XƏBƏR LENTİ
ƏN ÇOX OXUNULANLAR

SORĞU
 

Saytımızın yeni görünüşü

Əla!
Yaxşı
Normal
Fərq görmürəm
Çox pis!

 
 

Kürdəmirdə acınacaqlı mənzərə... - "Nəticələri çox acı ola bilər"

Kürdəmirdə acınacaqlı mənzərə... - "Nəticələri çox acı ola bilər"“Kürdəmirdəki şəhər 1 saylı orta məktəb təmirə bağlanıb. Buna görə şagirdlər 3 saylı, 4 saylı və Atakişili kənd məktəblərinə yerləşdirilib

Həmin məktəblərə getmək üçün ictimai nəqliyyat yox dərəcəsindədir. Valideynlər alternativ vasitələrdən istifadə edirlər. Kimi özü aparır, kimi taksi xidmətindən istifadə edir, gücü çatmayan da avtobula aparmalı olur. Sahibkar avtobus sürücüləri bundan istifadə edir. Onlar məktəb rəhbərliyi ilə heç bir müqavilə bağlamadan şagirdlərin daşınmasında iştirak edirlər. Kiçik ölçülü avtobuslara həddən artıq şagir mindirirlər. Bu, təhlükəlidir”. DİA.AZ bildirir ki, bu barədə dekabrın 6-da Kürdəmirdə fəaliyyət göstərən Regional İnsan Hüquqları və Maarifləndirmə Mərkəzi məlumat yayıb.

Mərkəz Kürdəmir Rayon İcra Hakimiyyəti, Kürdəmir Rayon Polis Şöbəsi, Kürdəmir Rayon Yol Polisi İdarəsi və Kürdəmir Təhsil Şöbəsinə müraciət edib. Şagirdlərin daşınmasının təhlükəli olduğunu, bu barədə tədbir görmələrini istəyib.

Regional İnsan Hüquqları və Maarifləndirmə Mərkəzinin məlumatında deyilir ki, onlar dəfələrlə bu sahədə monitorinq aparıblar. Sürücülərə şagirdlərin daşınması ilə bağlı iradlarını bildiriblər. Lakin sürücülər onların dediklərini və iradlarını gözardı ediblər:

“Kiçik həcmli avtobuslara (RAF) 50 nəfərdən artıq şagird mindirirlər. Uşaqlar bir-birinin belində gedir. Ayaq üstə duranlar olur. Adi bir əyləcdə neçə nəfər yıxılır. Bu, təhlükəli haldır və yolverilməzdir. Nəticələri çox acı ola bilər”.

Regional İnsan Hüquqları və Maarifləndirmə Mərkəzi bildirir ki, sürücülərə irad bildirəndə çox pis cavab verirlər:

“Deyirlər: “Sən kimsən, bu xətti pulla almışam. İstədiyim kimi sürürəm. Heç kim, eləcə də siz bizə qarışa bilməzsiniz”. Biz hüquqi dövlətdə yaşayırıq. Uşaqlar bizim gələcəyimizdir. O uşaqları qorumaq bizim borcumuzdur. Aidiyyatı qurumları və medianı şagirdlərin təhlükəsizliyini qorumaq üçün monitorinq aparmağa və ya bu məsəlini diqqətdə saxlamağa dəvət edirik. Araşdırın, tədbir görün, ən azı acı nəticələnəndən sonra heyifsilənməmək üçün”.
Bölmə: Gündəm | 07 dekabr 2019 11:43





ŞƏRH YAZ
Adınız:       E-mail ünvanınız:

Qalın Maili Alt cizgi Üst cizgi | Solda Mərkəzdə Sağda | Gülməcə əlavə et Keçid linki əlavə etQorunmuş keçid linki əlavə et Выбор цвета | Gizli mətn Sitat gətir Seçilmiş yazıları kiril əlifbasına çevir Вставка спойлера
Rəsimdə gördüyünüz kodu daxil edin: