Əsas səhifə > Siyasət > ABŞ Dövlət Departamentindən Putinə cavab

ABŞ Dövlət Departamentindən Putinə cavab


23-12-2016, 10:43
ABŞ Dövlət Departamentindən Putinə cavabABŞ Dövlət Departamenti Rusiya prezidenti Vladimir Putinin ölkəsinin istənilən potensial təcavüzkardan güclü olduğu barədə fikirləri ilə razı deyil

APA-nın məlumatına görə, bu barədə Dövlət Departamentin sözçüsü Con Kirbi bildirib.“Fikrimcə, ABŞ Silahlı Qüvvələrinin peşəkarlığı, bacarığı və qabiliyyəti sübhə altına alına bilməz. Ölkəmizin hərbi mundir geyinmiş, bütün dünyada onun maraqlarını qoruyan qadın və kişilərlə fəxr etməyə tam haqqı var”, – deyə o qeyd edib.

Dövlət Departamentinin sözçüsü hesab edir ki, bəşəriyyət tarixində ABŞ ordusu kimi döyüşkən, ağıllı, güclü, səriştəli rəhbərliyə və yaxşı təchizata malik hərbi qüvvə olmayıb.

Qeyd edək ki, ötən gün Rusiya prezidenti V. Putin Müdafiə Nazirliyinin kollegiya iclasında çıxışı zamanı Rusiyanın istənilən potensial təcavüzkardan daha güclü olduğunu bəyan edib.
Geri dön