BolgeXeber.Com » İdman » Azərbaycan-Ermənistan - 8:0

Azərbaycan-Ermənistan - 8:0

15-05-2014, 14:30

Oxunub: 4 297

İran İslam Respublikasının paytaxtı Tehran şəhərində yunan-Roma güləşi üzrə böyüklər arasında Dünya Kuboku yarışarı start götürüb

Azərbaycan güləş Federasiyasından verilən məlumata görə, yarışda Azərbaycanla yanaşı, Rusiya, Koreya, Qazaxıstan, Macarıstan, Türkiyə, İran, Finlandiya, Ermənistan və ABŞ güləşçiləri iştirak edirlər.

Püşkatmanın nəticəsinə əsasən, Azərbaycan güləşçiləri Koreya, Ermənistan, İran və Finlandiya komandaları ilə B qrupunda mübarizə aparmalıdırlar. A qrupunda isə Rusiya, Macarıstan, Türkiyə, ABŞ və Qazaxstan komandaları qüvvələrini sınayırlar.

Yarışın proqramına əsasən, mayın 15-də qrup görüşləri keçirilir. Güləşçilərimiz ilk olaraq yerli İran güləşçiləri ilə qarşılaşıblar. Gərgin keçən qarşılaşma İran komandasının xeyrinə başa çatıb.

I dövrə - Azərbaycan - İran 0-8
59 kq - Taleh Məmmədov - Həmid Sorian 1:1*
66 kq - Azad Əliyev - Omid Noroozi 6:7
71 kq - Rüstəm Əliyev - Səid Abdevali 0:9
75 kq - Elvin Mürsəliyev - Farşad Əlizadə 1:7
80 kq - Emin Əhmədov - Həbibulla Əxlaqi 0:3
85 kq - Şəhriyar Məmmədov - Taleb Nemətpur 1:3
98 kq - Araz Həsənov - Mehdi Əliyari 0:2
130 kq - Valera Rodriqes - Bəşir Babacanzadə 0:2

Qrupun ikinci görüşündə güləşçilərimiz Ermənistan komandası ilə yarışıblar. Bütün təmsilçilərimiz rəqiblərini tam üstünlüklə məğlub edib və görüş komandamızın 8:0 hesablı qələbəsi ilə başa çatıb.

II dövrə - Azərbaycan - Ermənistan 8-0
59 kq - Orxan Əhmədov - Narek Xaçatryan 8:0
66 kq - Həsən Əliyev - Gevorg Sahakyan 8:0
71 kq - Rəsul Çunayev - Rafael Aleksanyan 8:0
75 kq - Elvin Mürsəliyev - Karapet Çalyan 1*:1
80 kq - Emin Əhmədov - Rafik Manukyan 8:2
85 kq - Şəhriyar Məmmədov - Hrax Hovannisyan 2:0
98 kq - Saman Təhmasibi - Movses Adamyan 6:3
130 kq - Sabah Şəriəti - Vaçik Yeğiazaryan 4:1

Çox Oxunanlar