BolgeXeber.Com » İdman » Güləşçimiz ermənini məğlub edib əsgər salamı verdi - (Video)

Güləşçimiz ermənini məğlub edib əsgər salamı verdi - (Video)

15-09-2014, 11:15

Oxunub: 3 829

Özbəkistanın paytaxtı Daşkənddə böyüklər arasında güləş üzrə dünya çempionatına yekun vurulub

Çempionatın sonuncu günündə 59, 71 və 98 kiloqram çəki dərəcələrində yunan-Roma güləşçiləri yarışıblar.

Mundialda 71 kiloqram çəki dərəcəsində mübarizə aparan güləşçimiz Rəsul Çunayev ilk görüşdə Yaponiya idmançısı Noritomo Eto üzərində inamlı qələbə qazanıb. Ardınca ABŞ təmsilçisi Castin Lesterlə gərgin keçən görüşü qalib başa vurub. Türkiyə idmançısı Yunus Özellə görüşdən məğlub ayrılan Rəsul Çunayev rəqibin finala yüksəlməsi ilə təsəlliverici görüşə qatılıb. Rumıniya güləşçisi İonel Puskasu üzərində qələbə güləşçimizə bürünc medal şansı verib.

Bürünc medal uğrunda görüşdə Rəsul ermənistanlı Varşam Boranyanla qarşılaşıb və rəqibini cəmi 23 saniyəyə məğlub edərək çempionatı üçüncü pillədə başa vurub. Rəsul qələbəsini hərbi salam verməklə qeyd edib.

Xatırladaq ki, yunan-Roma yarışlarının ilk günündə Saman Təhmasibi gümüş və Elvin Mürsəliyev bürünc medal qazanıb. Həsən Əliyev isə çempionatı beşinci sırada tamamlayıb.

Çox Oxunanlar