ƏN-yi həbsxanadakı olayla bağlı açıqlama yaydı
9-12-2011, 15:30
Oxunub: 5 257
Ədliyyə Nazirliyinin Penitensiar Xidməti cəzaçəkmə müəssisəsində baş vermiş insidentlə bağlı rəsmi məlumat yayıb.
Xidmətin İctimaiyyətlə əlaqələr şöbəsinin rəisi Mehman Sadıxov Bolgexeber.com-a bildirib ki, hadisə Qaradağ rayonu ərazisindəki 2 saylı məntəqə tipli müəssisədə baş verib.
Onun sözlərinə görə, müəssisədə saxlanma rejimi qaydalarını pozduğu üçün cərimə təcridxanasına salınmış məhkumlar Fərid Dadaşov və Faiq Fərəcov dünən saat 20:15 radələrində kameranın qapısını döyərək kanalizasiya xəttində nasazlıq yarandığını və məntəqə əməkdaşlarından onlara yardım göstərilməsini xahiş ediblər.
Məntəqə əməkdaşları qapını açanda onlar əvvəlcədən dəmir çarpayıdan sökdükləri dəmir parçası ilə xidmət əməkdaşlarına hücum ediblər və bir nəfərə xəsarət yetiriblər.
Dadaşov tutularaq yenidən cərimə təcridxanasına salınıb, Fərəcov isə qaçıb.
Sadıxov bildirib ki, Dadaşov cərimə təcridxanasında yastıq üzlüyü ilə özünü asaraq intihar edib.
Xidmət sözçüsü deyib ki, Fərəcov Cinayət Məcəlləsinin narkotik vasitələrin qanunsuz dövriyyəsi (234.1-ci maddə) cinayətinə görə 3, Dadaşov isə soyğunçuluq (180.2.1 və 180.2.2-ci maddələr) cinayətində ittiham olunaraq 4 il müddətinə azadlıqdan məhrum edilmişdi.
Sonradan onlar məhkəmənin qərarı ilə cəzalarının müəyyən hissəsini çəkdikləri üçün məntəqə tipli cəzaçəkmə müəssisəsinə köçürülmüşdülər.
Faktla bağlı Bakı şəhər prokurorluğunda cinayət işi başlanıb. PX tərəfindən isə tədqiqat aparılır.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər