BolgeXeber.Com » Xəbərlər » “Körpəmə Mədət adı qoymağa icazə vermədilər, Uğur adı yazdırdım

“Körpəmə Mədət adı qoymağa icazə vermədilər, Uğur adı yazdırdım

24-02-2015, 12:04
Oxunub: 6 661 “Körpəmə Mədət adı qoymağa icazə vermədilər, Uğur adı yazdırdımLamiyə Quliyevadan Aslan Aslanovu və ölkənin hüquq sistemini bitirəcək açıqlamalar...


“Lamiyə işi” getdikcə dərinləşir. Aslan Aslanov, onun Ədliyyə Nazirliyinin İstintaq Şöbəsində müstəntiq vəzifəsində işləyən Turqay Aslanov Lamiyə Quliyeva ilə onun keçmiş nişanlısı Vüqar Əliyevin aqibətini yaşaya bilərlər. Hazırkı məqamda bu, ölkədə yaşanan manat şokunun neytrallaşdırılmasının ən ideal yolu ola bilər. Şəmkirin keçmiş icra başçısı, sonradan kənd təsərrüfatı nazirinin müavini olmuş Aslan Aslanovun istintaqa çağırılmasına da real əsaslar var. Gələn məlumatlar bunu deməyə əsas verir.

Fevralın 20-də, Lamiyə Quliyeva Bakı Apelyasiya Məhkəməsində azad edildikdən bir neçə saat sonra Aslan Aslanovun oğlu Turqay Aslanov Bakıda saxlanıb. Oğul Aslanovu gecə saat 1 radələrində Bakı Şəhər Baş Polis İdarəsinin Dövlət Yol Polisi İdarəsinin əməkdaşları Nəsimi rayonu ərazisində kobud qayda pozuntusu törədərkən saxlayıblar. 300 min dollar qiyməti olan “Bentley” markalı maşının sükanı arxasında sərxoş olan T.Aslanov özünü itirmədən əlini telefona atıb. Lakin ona adamları narahat etməməyi məsləhət biliblər. AzNews.az-a daxil olan məlumata görə, Az 10 DO 007 dövlət nömrə nişanlı avtomobilin sərxoş sürücüsünün sənədləri yoxlanıb. Məlum olub ki, müstəntiq vəzifəsi daşıyan T.Aslanovun nəqliyyat vasitəsinə aid sənədləri qaydasında deyil. Buna görə də T.Aslanovu maşından düşürüblər, avtomobilini 3-cü mikrorayonda yerləşən cərimə meydançasına aparıblar. Həmin avtomobil 2008-2013-cü illərdə Turqay Aslanovun adına olub. 2013-cü ildə isə Valeh Ramazan oğlu Allahverdiyevə etibarnamə verilib. Amma faktiki olaraq nəqliyyat vasitəsi daim Turqay Aslanov tərəfindən idarə olunub. Müstəntiqin idarə etdiyi ağ rəngli “Bentley” Bakıda barmaqla sayılacaq qədər məhdud saydadır. Bunu şərtləndirən nəqliyyat vasitəsinin bahalığıdır. Ən əsası isə prezidentin məmurlara xəbərdarlığından sonra bir çoxları qiyməti bir neçə yüz min manatı aşan nəqliyyat vasitələrindən daha ucuz markalı maşınlara mindilər. Lakin Aslanovun oğlu prezidentin iradından sonra da 2008-ci ildən sürdüyü maşını dəyişməyib...
“Körpəmə Mədət adı qoymağa icazə vermədilər, Uğur adı yazdırdım
Hakimiyyətdəki mənbə “Yeni Müsavat”a deyib ki, Aslanovların həbsi həftə içi baş tuta bilər. Artıq onlara qarşı ittiham da hazırdır. L.Quliyevanın mətbuatdakı çıxışları ifadə şəklinə salınması kifayətdir ki, Aslanovlar saxlanılsın.

Qeyd edək ki, “Lamiyə işi” yenicə ölkə mediasının gündəminə gəldiyi günlərdə A.Aslanovun şəhərin mərkəzindəki “milyonçular məhləsin”dəki villasında axtarış aparılması xəbəri yayıldı. Bu günədək xəbər təkzib olunmayıb. Üstəlik Aslan Aslanovun ölkədən çıxışına da qeyri-rəsmi qadağa haqda məlumat da var. Əgər Aslanov ölkədən çıxmaq istəsə, onu sərhəddən geri qaytaracaqlar.

***
Artıq Lamiyə Quliyeva azaddır. 12 illik həbs həyatında başına gələnləri də hər kəsə danışır. “Yeni Müsavat”a müsahibəsində də bunu deyib. Qeyd edib ki, sosial şəbəkələr vasitəsi ilə üzləşdikləri haqda maraqlanan hər kəsi məlumatlandıracaq:

- Öz internet səhifəm olacaq. Facebook profili açıb mənə azadlığa çıxmaq üçün kömək etmiş insanlarla əlaqə yaradacağam. Başıma gələnləri yazacağam.

- 2003-cü ildən başlayacaqsız?

- Bəli. Həmin gün orada nə baş verib, yazacağam. Biz həmin gün üçlükdə görüşmüşdük. Ruslan elədiyini etiraf etdi, Vüqarla sözləri düşdü. Öldürdük.

- Ruslanı kim vurmuşdu?

- Mən bu barədə danışmaq istəmirəm.

- İlk iki zərbəni siz vurmuşduz?

- Hə, mən vurmuşdum. Namusuma toxunmuşdu, mən də vurmuşdum. Allah Vüqara da kömək olsun, tezliklə azad edilsin. Mən ifadəmi vermişəm. Ona görə də uzun-uzadı danışmaq istəmirəm. Olan olub, keçən keçib. İstədiyim odur ki, Vüqar da tezliklə azadlığa qovuşsun. Ailəsi var, cavandır.



- Vüqarla görüşə gedəcəksiz?

- İnşallah azad olunar, gedib bir dəfə görüşərəm. Onun artıq ailəsi var. O, özünə başqa bir həyat, mən da ayrı həyat seçmişəm. Ona azadlıq arzulayıram. Onun valideynləri də mənim anam kimi 12 ildir ki, əzab-əziyyətin içindədir. Bir ölüm işinə görə bizə həddən artıq ağır cəza veriblər. Həmin qətl namus məsələsinə görə olub. İnanıram ki, Vüqar üçün də ədalətli bir qərar olacaq. Mən 12 ildən sonra nəhayət ki, siz mətbuat nümayəndələrinin, ölkə rəhbərliyinin, baş prokuror Zakir Qaralovun sayəsində ədalətli qərarla azad edildim. Vüqar üçün də belə bir qərar inşallah olacaq. Mən buna inanıram. Lazım olan ifadəni aidiyyatı orqanlara vermişəm.

- Bu yaxınlarda verdiyiniz ifadədən söhbət gedir?

- Bu yaxında prokuror mənim işimi araşdıranda ifadəmi vermişəm. İnanıram ki, Vüqar üçün də yaxşı olacaq.

- Hüquq müdafiəçisi kimi fəaliyyətə başlayacağınız haqda da məlumatlar var...

- Belə bir fikrim yoxdur. Məni verilişlərə çağırırlar. İradə İsaq var, o, məni ATV-yə çağırdı. İmtina etdim. Mirşahinlə danışmaqdan da imtina etmişəm. Mən ədalətli, düzgün olanı yazan jurnalistlərin qarşısında baş əyirəm. Doğrunu yalan kimi təqdim etmək istəyənlərlə sadəcə danışmaq istəmirəm. Düşmənliyəm, bunu başa düşürəm ki, mənə qarşı hər vasitəyə əl atırlar.

- Düşmənliyəm dediniz. Təhlükəsizliyinizin təmin olunması ilə bağlı hüquq mühafizə orqanlarına müraciət etmisinizmi və ya edəcəksinizmi?

- Mənim başıma hər hansı bir iş gəlsə bunun birbaşa məsuliyyəti Aslan Aslanovun, onun oğlu Turqay Aslanovun, qardaşı Elbrus Aslanovun üzərindədir. Aslanovun mənə qarşı etdikləri hər kəsə bəllidir, ifadələrimdə də bunu demişəm. Mən ölkə başçısına, baş prokurora müraciət edirəm ki, özümün və ailəmin təhlükəsizliyinin təmini üçün göstəriş versinlər. Bu adamlardan hər bir şey gözləmək olar. 12 il ərzində başımıza olmazın müsibətlər açıblar. Aslanov 12 il ərzində mənə cinayət işlərini bir-birinin ardınca açdırıb, mənə qarşı saysız-hesabsız təxribatlara cəhdlər olub. 12 ilin 6 ilini mən karslarda keçirmişəm. Bəlkə də o, məni sərbəst buraxıb azad edilməyimi gözləsəydi, bu gün bu cür vəziyyət yaranmazdı. Əgər mənim başıma bir iş gəlsə, hamı bunu məhkəməsiz-sübutsuz Aslanovun törətdiyini deyəcək. Onun oğlu Ədliyyə Nazirliyinin müstəntiqidir. Mənə qarşı 2-ci cinayət işinin başlanmasında birbaşa onun rolu var.

- Nə etmişdi?

- 2-ci dəfə mənə iş verilsin deyə adi bir məsələni qabardıb işimin üstünə iş gəlməsinə nail oldu. Aslan Aslanov bizə ən müxtəlif yollarla xəbər çatdırırdı ki, o qızın ölümünü istəmirəm. Onu orada çürüdəcəyəm. Yəni cəzamı sonsuza qədər artıracaqdı. “Jenkalon” üstü açıq qəbiristanlıqdır. Orada diri ikən öləcəkdim. Məqsədi bu idi. Mətbuat barəmdə yazmasaydı, qərar verən insanlar bu məsələyə diqqət etməsəydi, yəqin ki, Aslanov istəyinə nail olacaqdı. Allaha şükür ki, yaxşı insanların sayəsində bu belə olmadı. Oğlu Ədliyyə Nazirliyində oturub Penitensiar Xidmətdəki dost-tanışına əmr verəcəkdi, onlar da evimi yıxa-yıxa gedəcəkdilər. Mən həqiqəti yazan hər bir jurnalistə təşəkkür edirəm.

- Artıq azadlıqdasınız. Uşağın atası Elnur adlı məhkumdur?

- Odur. Amma Elnur düzünü demir. Bizə şərait yaradıblar, görüşmüşük.

- Pul qarşılığında?



- Onları razı salmışdıq. Elnurun danışığı başdan ayağa səhvdir. Onu öyrədiblər. Özlərini qorumaq üçün onu səhv danışmağa məcbur edirlər. Camaat 5-10 min manat pul verib süni mayalanmaya gedir, amma övladı olmur. Bakı İstintaq Təcridxanasında bu necə ola bilər? Ora klinikadır? Mən süni mayalanma həkimi də deyiləm! Mən Elnurun danışığına qulaq asdım və sadəcə güldüm.

- Oğlunuz böyüyür. O sizə gec-tez “atam kimdir” sualını verəcək. Nə deyəcəksiz?

- Səhv danışan ata mənim uşağıma lazım deyil.

- Elnur həbsdədir. Bunu nəzərə almırsız?

- Alıram, amma səhv danışdığına görə mən onu qəbul etmirəm.

- Uşağın adı ilə bağlı mətbuata açıqlamanız olub. Demisiniz ki, uşağın adını rəsmiləşdirməyə sizə imkan verilməyib. Niyə?

- Uşaq həbsxanada dünyaya gəldi. Adını soruşdular. Dedim ki, uşağın adı Mədət olacaq. Familiyam Quliyevadır, adını da Mədət qoyduğumu dedim. Dedilər ki, olmaz. Mən də uşağın həbsxanada olduğunu əsas gətirib adının məhz Mədət yazılmasını tələb elədim. İmkan vermədilər. Onların sayəsində uşağım həbsxanada dünyaya gəlib, məni azad olunmağa qoymayıblar. Məni onlar həbsxanada ana olmağa məcbur etdilər. Azad olunmağımın qarşısını almasaydılar, mən həbsxanada ana olmazdım. Narazılıq yarandı, uşağa metrika vermədilər. Məni oradan çıxarmağa heç kimin gücü çatmırdı. Aslanın gücü qarşısında mənim oradan çıxmağım mümkünsüz görünürdü. Aslan söz işlətmişdi ki, mən ölsəm, yerdən qalxan Aslanlar o qızı orada çürüdəcək. Körpəm öz anasının əlindən tutub o bataqlıqdan, həbsxanadan azadlığa çıxardı. Mənə həbsdə uşağımın adını metrikaya yazmağa qoymadılar. O uşaq məni azadlığa çıxarıb. Adını Uğur yazdırdım. O, Aslanı yerində oturdub məni azadlığa çıxardı.



- Siz azad edilən gün Aslan Aslanovun oğlunu saxlayıblar. Bu təsadüfdür yoxsa ilahi ədalətdir?

- İnternetdə oxumuşam. O da qardaşının yolunu gedir. Ruslan Şəmkirdə polis, prokuror saymırdı. Maşınla haradan gəldi vururdu, keçirdi. Qız, gəlin bilmirdi, küçənin altını-üstünə çevirirdi. Camaat onun qorxusundan evinin qabağında yarım saat oturub təmiz hava ala bilmirdi. Vaxtilə Şəmkir Ruslanın qabağında dayana bilmirdi, indi də Turqayın qabağında Bakı dayana bilmir. Aslan Aslanovun əlindən Şəmkirdə kimsə obyekt aça bilmirdi. O dəqiqə haqq qoyurdu. O, Bakıya gedəndən camaat ağ günə çıxıb. Camaatdan aldığı pullardan oğlunun altına 300 minlik maşın alıb. Onu saxlamalıdırlar da, tutmalıdırlar da. İçkili maşın sürübsə, başqa necə olmalıdır? Allah böyükdür, axır ki, haqq-ədalət yerini tapır və tapacaq.

- Məhbəsdə sizə qarşı təxribatlar baş tutduğunu ananız deyib. Nə edirdilər?

- Məni elə şeylərin üstündə karsa salırdılar ki, başqa məhbuslara həmin hərəkətlərə görə söz belə demirdilər. Aslan, onun oğlu, qohumları mənə orada zülm verdiriblər. Adam nə qədər buz kimi karserə salınar, təhqir edilər? O qədər zülm edirdilər ki, özümü doğrayırdım. Cəzamı 17 il, ardınca da, 20 il elətdirdi. Oturub fikirləşdim ki, dözüb ayaqda qalacağam. Nəyəsə görə qalıb mübarizə aparmalıyam. Ana oldum ki, mübarizəmdə yanımda arxa-dayağım olsun. Məni həyata bağlayan bir övladım olsun. Buna görə ana oldum. O, mənə güc verdi. Məni heç kim qınamasın. Qınayanlar mənim yerimə özlərini qoysunlar, bir anlıq gözləri önünə yaşadıqlarımı gətirsinlər. 20 il həbs cəzası altında yatmışam. 20 il! Mən ölməmək üçün bu addımı atmışam. Bu mənim üçün çıxış yolu, həyata bağlanmaq stimulu oldu.

“Körpəmə Mədət adı qoymağa icazə vermədilər, Uğur adı yazdırdım

- Siz həbsdə olarkən Penitensiar Xidmət məlumat yaymışdı ki, dünyaya övlad gətirəcəyiniz məlum olandan sonra sizə xüsusi qayğı və diqqət göstərilib. Bu xüsusi qayğı və diqqət nədə ifadə olunurdu?

- Ana və uşaq otağına köçürmüşdülər. Məni tibb məntəqəsinə köçürməli idilər. Həkim nəzarəti altında qalmalı idim. Ana və uşaq otağında yatmağa normal şərait yox idi. Xahiş edirdim ki, mənə yatmağa normal şərait yaradın. Hər gün Penitensiar Xidmətdən gəlib sorğu-suala tuturdular. Anam 102-yə də zəng edib demişdi. Bundan sonra Penitensiar Xidmətdən Elşən müəllim gəldi, ona da mənə yatmağa şərait yaradılmadığını dedim. Xeyri olmadı. Etmirdilər. Etiraz edirdim, əhəmiyyət vermirdilər. 8 aylıq hamilə ola-ola məni karsa salıb 4 sutka orada saxladılar. 3 gün ac-susuz qaldım orada. Bu idi onların mənə qayğısı, diqqəti?! Sağ olsun Nərgiz xanım, o rəisə dedi ki, məni Müalicə Müəssisəsinə köçürmək lazımdır. Bundan sonra məni ora köçürdülər. 1 ay normal yaşayıb uşağı Bakıxanovdakı xəstəxanada dünyaya gətirdim.
“Körpəmə Mədət adı qoymağa icazə vermədilər, Uğur adı yazdırdım
- Sizə normal qida verirdilər?

- Məhkuma nə verəcəklər? Noxud supu, perlova, borş verirdilər.

- Xörəklər ətli olurdu?

- Hə. Toyuq əti verirdilər.

- Ora gələn hüquq müdafiəçilərinə fikirlərinizi çatdıra bilirdiz?

- Orada yaşayan insan hüquq müdafiəçisinə nə deyə bilər axı?

- Nə baş verərdi?



- Gəlirdilər, sözümüzü deyirdik. Amma nə faydası vardı ki? Guya sözümüzü gedib kimə lazımdır deyirdilər? Dəfələrlə mənə qarşı baş verənləri demişəm. Xeyri olmayıb. Mən azad edilməyimdə az da olsa rolu olan hər kəsə təşəkkür edirəm. Prezidentə, baş prokuror Zakir Qaralova, onun müavini Namiq Əsgərova təşəkkür edirəm. Mən Aslan Aslanovu Allaha tapşırmışam. O, mənim ailəmə verdiyi zülmlərə görə gec-tez ədalətli məhkəmənin qabağında dayanacaq.

- Siz üzləşdiklərinizlə bağlı ifadə verəcəksiniz?

- Verəcəyəm. O, etdiklərinə görə mütləq cavab verməlidir. O, vəzifəsindən, pulundan, əlaqələrindən istifadə edərək bizə etdiyi zülmlərə qarşı cavab verməlidir.