Qəbələ Telekommunikasiya Qovşağında qanunsuzluqlar davam edir
16-03-2015, 12:58
Oxunub: 6 531
Şahin Tağıyev büdcə vəsaitini hara xərcləyib?
Bu gün telekommunikasiya sahəsində uğurlu işlər görülsə də, bu sahəni gözdən salmağa çalışanlar da az deyil. Belə ki, Qəbələ Telekommunikasiya Qovşağının rəisi Şahin Tağıyev barəsində redaksiyamıza tez-tez şikayətlər daxil olmaqdadır.
Bizə verilən məlumata görə, Qəbələ şəhərində tikilən və quraşdırılan telefon stansiyaları və digər rabitə obyektlərinə ayrılan pullar təyinatı üzrə xərclənmir. Yəni əslində sənəddə göstərilən işlər xərclənən pula adekvat deyil. Bu isə onu göstərir ki, Şahin Tağıyev dövlət büdcəsindən ayrılan pulları mənimsəyib. Hətta sənədləşmə elə aparılıb ki, guya ayrılan pullar güclə xərcləri ödəyib. Etibarlı mənbələrin bizə verdiyi məlumata görə, Şahin Tağıyev ayrılan vəsaitin çox hissəsini öz maraqları üçün istifadə edib. Deyilənə görə, hazırda Şahin Tağıyev paytaxtda villa tikdirir. Dövlətə məxsus pulları isə həmin villanın tikilib ərsəyə gəlməsinə sərf edib. Bundan başqa qəzetimizə verilən məlumata görə, Şahin Tağıyev Bakıda şadlıq evi tikdirir. Hətta onu da qeyd edək ki, Qəbələnin özündə Tağıyevin bir neçə obyekti fəaliyyət göstərməkdədir. Bu hər kəsə gün kimi aydındır ki, bu qədər varidata sahib olan məmur bütün bunlara adi maaş əsasında sahib ola bilməz.
Bizə verilən məlumata görə, Şahin Tağıyev mətbuatda gedən xəbərlərdən sonra təşvişə düşüb. Deyilənə görə, Tağıyev Qəbələ TKQ-da etdiyi səhvləri ört-basdır etmək üçün başqa vəzifəyə getmək istəyir. Və bununla da törətdiyi qanunsuzluqlardan qaçmağa çalışır. Əldə etdiyimiz xəbərlərə görə, bu şəxsin havadarı çox güclü adamdır. Məhz bu şəxsə görə də Şahin Tağıyev istədiyini edir. Müəssisədə at oynadır desək səhv etmərik. Ancaq mətbuatda gedən yazılardan sonra müvafiq qurumların sakit dayanacağı güman edilmir. Hesab olunur ki, aidiyyəti dövlət qurumları Qəbələ Telekommunikasiya Qovşağında baş verən neqativ halları araşdıracaq. TKQ-nin rəisi isə həyata keçirdiyi qanunsuz əməllərə görə cavab verəcəyi də istisna edilmir. O rabitə qovşaqlarını öz şəxsi mülkünə çevirməklə taladığı dövlət vəsaitlərinin hesabına maraqlarını təmin edir.
Qeyd etmək yerinə düşər ki, Qəbələ Telekommunikasiya qovşağının rəisi Şahin Tağıyev rayonda rabitə xidmətlərinin aşağı səviyyədə olması, vətəndaşların bu sahəyə olan tələbatının ödənilməməsində günahkarlar da axtarır. Rəisin ölkə mətbuatına açıqlamalarına nəzər salanda məlum olur ki, ölkədə rabitə heç də inkşaf etməyib və Qəbələ kimi şəhərdə bu sahədə ciddi problemlər mövcüddur. Tələbatın çox olmasına baxmayaraq, hələlik telekommunikasıya qovşağının vəziyyəti bunu ödəməyə imkan vermir. Rayonda rabitə xidmətinin aşağı olması danılmaz faktdır. Nəzərə alsaq ki, rabitə rəisi rayon mərkəzində yaşayan imkanlı şəxslər üçün ancaq xidməti yüksək təşkil edir onda kəndlərdəki vəziyyətin daha acınacaqlı olduğunu anlamaq çətin deyil. Bundan başqa, Qəbələ rayon Telekommunikasiya şöbəsinin rəisi deyir ki, rayonda sürətli internet çıxışına tələbat həddən artıq çoxdur və müraciətçilərin sayı hər gün artır. Lakin tələbatı ödəmək üçün hazırda nə texniki, nə də maddi imkanlar yoxdur.
gundelik-baku.com
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər