BolgeXeber.Com » BÖLGƏ TV » Estoniya prezidenti ona xəyanət edən arvadını boşayır-VİDEO,FOTO

Estoniya prezidenti ona xəyanət edən arvadını boşayır-VİDEO,FOTO

18-04-2015, 15:59

Oxunub: 7 813

Estoniya prezidenti Tomas Hendrik İlves xanımı Evelinlə boşanır

Prezident boşanma qərarını Evelinin ona xəyanət etdiyinə dair videogörüntülərin KİV-lərdə yayılmasından səkkiz ay sonra verir.

Prezident və keçmiş xanımı bildiriblər ki, boşanma onların şəxsi işidir və jurnalistlər bu məsələyə anlayışla yanaşsınlar.

Boşanma haqda qərar aprelin 30-da qüvvəyə minəcək. Bu tarixdən sonra Evelin Estoniyanın birinci xanımı və prezident ailəsinin digər üzvləri üçün nəzərdə tutulmuş güzəştlərdən istifadə edə bilməyəcək.

Estoniyanın Vilyandsk qəzasında yerləşən mülk də prezidentin sərəncamında qalacaq. Evelin İlvesin bu mülkün təmirinə xərclədiyi vəsaitin ona qaytarılması razılaşdırılıb.

Tomas Hendrik İlves və Evelin İlves 2004-cü ildə evləniblər. Rəsmi nikaha girməzdən əvvəl onların bir qızı dünyaya gəlib. Bu, Estoniya prezidentinin ikinci evliliyidir.

Ötən ilin avqustunda Estoniya mətbuatı Evelin İlvesin gecə Tallindəki restoranların birində gənc oğlanla qucaqlaşaraq rəqs etdiyini, daha sonra onunla birlikdə avtomobilə minərək getdiklərini əks etdirən görüntüləri yayıb.

Bu qalmaqaldan sonra birinci xanım bir müddət ölkəni tərk edib, prezident İlves isə qalmaqalı şərh etməyib.

Çox Oxunanlar