BolgeXeber.Com » Xəbərlər » Abid Şərifov özünü təmizə çıxarmaq istəyir

Abid Şərifov özünü təmizə çıxarmaq istəyir

25-05-2015, 15:32
Oxunub: 6 317 Abid Şərifov özünü təmizə çıxarmaq istəyir“Mən balam kimi deyirəm, ay oğul, ay atam, sənə nə fərqi var kim tikib? Məsləhət olub filankəs tiksin, o da tikir. Siz də mənim bu cavabımı dramatikləşdirirsiniz, faciəyə, tragediyaya çevirirsiniz, şou düzəldirsiniz"

Bunu "pepot"a açıqlamasında baş nazirin müavini, Bakı şəhəri Binəqədi rayonu ərazisində çoxmərtəbəli binada baş vermiş yanğın ilə əlaqədar yaradılan Dövlət Komissiyasının sədri Abid Şərifov müzakirələrə səbəb olan cavabına münasibət bildirərkən deyib.

Baş nazirin müavini hesab edir ki, jurnalistlərin hansı şirkətin yaxşı, hansının pis işlədiyini bilmələri mümkün deyil: "Allah sizi qorusun, Allah sizi salamat eləsin. Siz jurnalistlər bəyəm bilirsiniz ki, hansı şirkət yaxşıdır, hansı şirkət pisdir, hansı şirkət vicdanla işləyir? Ay Allah sizi salamat eləsin. İstər o balaca, istər də böyük jurnalistlərə mən bir balam kimi, ərkyana müraciət edirəm. Siz də başlayırsınız onu şou etməyə. Nə istəyirsiniz edin. Allah sizi sağ-salamat eləsin".

Xatırladaq ki, mayın 19-da Bakının Binəqədi rayonunda yerləşən 16 mərtəbəli binada yanğın baş verib. Yanğın nəticəsində 4-ü azyaşlı olmaqla 15 nəfər ölüb, 50-dən çox insan müxtəlif dərəcəli bədən xəsarəti alıb və ya zəhərlənib. Hadisənin araşdırılması və nəticələrinin aradan qaldırılması üçün dövlət komissiyası yaradılıb. Komissiyaya baş nazirin müavini Abid Şərifov rəhbərlik edir.

Mayın 23-ü yanğın baş verən binaya baş çəkən A.Şərifovdan jurnalistlərdən biri yanmış binada tikinti işlərinin hansı şirkət tərəfindən aparıldığını soruşub. Komissiya sədri suala belə cavab verib: "Nə dəxli var sənə, nə üçün bilməlisən ki kimdir? Alabala! Pressaya nə dəxli var ay oğul?!".

Onun bu cavabı mətbuatda müzakirələrə səbəb olub.
BOLGEXEBER.COM