BolgeXeber.Com » Xəbərlər » Bakıda məşhur idmançı qızlara divan tutdu-FOTO

Bakıda məşhur idmançı qızlara divan tutdu-FOTO

25-05-2015, 17:27

Oxunub: 5 441 Bakıda məşhur idmançı qızlara divan tutdu-FOTO

Bakıdakı karaoke klublarından birində əlbəyaxa döyüş ustası gücünü qadın üzərində sınayıb. Olayın maraqlı yönü odur ki, döyülən qadın da idmançıdır

Hadisə ötən gecə Yasamal rayonu ərazisində yerləşən məşhur "Famous" karaoke-klubda baş verib. Elvira Əliyeva saat 03 radələrində karaoke-klubda rəfiqəsi Diana Babayeva ilə əylənirmiş. Elvira mahnı oxuyan zaman qaydasız döyüş üzrə çempion olan İsa Əzizov onlara qarşı gözlənilməz addım atıb.
Hadisə barədə zərərçəkmiş E.Əliyeva milli.az-a açıqlamasında başına gələnləri belə nəql edib: "Mahnı oxuyurdum, hiss edirdim ki, həmin İsa mənə baxır. Ayaqyoluna gedəndə qapını açdım və içəridə onu gördüm. Dedi ki, "tanıyırsan məni?". "Xeyr" cavabı verdim. Əvvəl dedi, bir məktəbdə oxumuşuq, sonra bir yerdə məşq etdiyimizi bildirərək tanış olduğumuzu mənə göstərmək istəyirdi. Yenə də onu tanımadığımı bildirdim. Əli ilə də qapını elə tutmuşdu ki, çıxa da bilmirdim. Mənə qayıtdı ki, "yaxşı fikirləş". Dedim ki, "qardaş, tanımıram, tanımaq da istəmirəm".
Rəfiqəm gəlib məni öz yerimə apardı. Rəfiqəmə "ağıllı ol" dedi. Stolumuzda oturanda mənə yaxınlaşdı və sillə vurdu. Durub itələdim, bundan sonra yumruq və təpiklər başladı. Huşumu itirmişəm və məni salondan çıxararaq ayaqyolunun qabağına atıblar. Yanımızda oğlan vardı, o da İsa Əzizova nəsə deyəndə gözlənilməz zərbə aldı. İsa onu bir zərbə ilə yerə yıxıb təpikləməyə başladı. Diana gəlib məni tualetin qarşısında ağız-burnumu qan içində görüb".
E.Əliyevanın başına gələnlər bununla da bitməyib. Zərərçəkmiş əlavə edib ki, İsa onu tualetə salıb bağlamaq istəyirmiş, ancaq dostları yaxınlaşıb polis gəldiyini deyəndən sonra fikri dəyişib: "Sonra məni "Gelandewagen" markalı, 99 HN 999 markalı avtomobilə saldı. Rəfiqəm klubun mühafizəçiləri və polislərdən kömək istəsə də, aldığı cavab "sən ağzını yum" olub".
Birtəhər canını qurtaran E.Əliyeva 1 saylı Şəhər Xəstəxanasına gedib, Daxili İşlər Nazirliyinin 102 xidmətinə məlumat verib. Bədənindən, başından xəsarət alan E.Əliyeva şəkillərini sayta göndərib.
Məsələ ilə bağlı oxuculara ətraflı məlumat veriləcək.
İddialara görə, İ.Əzizov məşhur bir şəxsin övladıdır və belə hərəkətləri bir neçə dəfə olub. Bir neçə gün əvvəl də "Skech lounge"da buna oxşar hadisə törədib.
Onu da qeyd edək ki, İ.Əzizovun özü ilə əlaqə saxlamaq cəhdləri nəticə verməyib.
BOLGEXEBER.COM

Çox Oxunanlar