BolgeXeber.Com » İdman » Azərbaycan Avropa Oyunlarında 12-ci “qızıl”ını qazandı

Azərbaycan Avropa Oyunlarında 12-ci “qızıl”ını qazandı

19-06-2015, 09:12
Oxunub: 3 655 Azərbaycan Avropa Oyunlarında 12-ci “qızıl”ını qazandıHarçeqani finalda rusiyalı Albert Quanı məğlub edib.

Taekvando üzrə yarışlarda 80 kq çəki dərəcəsində yığmamızı təmsil edən Milad Beiqi Harçeqani Avropa Oyunlarının qızıl medalını qazanıb.

Finala aparan yolda, o, ilk olaraq serbiyalı Damir Feyziçlə üz-üzə gəlib. Taekvondoçumuz rəqibi üzərində inamlı qələbə qazanıb – 12:0. Milad 1/4 finalda da özünü yaxşı tərəfdən göstərib. Böyük britaniyalı Muhammed Lutalo ilə üz-üzə gələn təmsilçimiz bu döyüşü də vaxtından əvvəl xeyrinə bitirib (17:5).

Harçeqani yarımfinalda portuqaliyalı Julio Ferreyra qüvvəsini sınayıb. İdmançımız bu rəqibindən də güclü olduğunu sübuta yetirib. Ferreyraya 6:2 hesabı ilə qalib gələn Milad bu gün finala yüksələn ikinci taekvondoçumuz olub.

O, həlledici döyüşdə rusiyalı Albert Quanla qarşılaşıb və Oyunları titulla başa vurub. Rəqibinə 9:4 hesabı ilə qalib gələn taekvondoçumuz çempion adına layiq görülüb.

Hal-hazırda Azərbaycanın hesabında 12 qızıl, 5 gümüş və 12 bürünc medal var.