“Ulduz”un Nazikindən acı soraq gəldi-FOTO
31-08-2015, 15:17
Oxunub: 4 375
"Məni kövrəldən təkcə vəfasız illər deyil, həm də diqqətsizlikdir. Hamı həm əməkdar, həm xalq artistidir. Mənimsə heç fəxri diplomum da yoxdur"
Bu sözlərin “Ulduz” filminin Naziki aktrisa Məleykə Ağazadə deyib.
86 yaşlı Nazik afn.az-a geniş müsahibəsində ona olan ögey münasibətdən gileylənib:
“Sənət yoldaşlarımın hamısı zəng edir, axtarır məni desəm, yalan olar. Ümumilikdə götürəndə zəng edənlər arasında jurnalistlər üstünlük təşkil edir. Bu günlərdə Nuriyyə Əhmədova zəng edib, maraqlanmışdı. İncidiyim sənət yoldaşlarım var.
Bir sənət yoldaşım məni tanımaya-tanımaya bu günlərdə müsahibə vermişdi ki, Məleykə xanım təkcə “Ulduz” filminə çəkilib, sonradan həyat yoldaşı onu işləməyə qoymayıb.
Onlar hansı filmdə çəkiliblər, görəsən? Soruşsan, elə rəqəm deyərlər ki, heç o qədər film çəkilməyib.
Bu gün yalnız övladlarım və ailəm mənim yanımdadır. Teatrı atdığıma görə heç heyfsilənmirəm. Çünki 15 il səhnədə yalnız əsas rollarda oynamışam”.
Onun sözlərinə görə, tamaçılar onu Nazik kimi tanıyır: “Amma “Onu bağışlamaq olarmı”,”Var olun, qızlar”, “Həyat gözəldir, qardaşı”, “Qəribə əhvalat” və başqa filmlərdə çəkilmişəm.
Bizim xalq komediyanı çox sevir. Görünür, ona görə bu gün də Nazik onların yadından çıxmır. Bu gün də “Ulduz” filmini göz yaşlarımla izləyirəm”.
M.Ağazadə həmin filmin çəkilişləri zamanı baş verən maraqlı hadisədən danışıb:
“Mənim Hacıbaba Bağırovla tvist oynadığım səhnə, yəqin ki, yadınızda qalıb. Bu səhnə çəkiləndə böyük oğlum çəkiliş meydançasında idi. Kənardan dayanıb diqqətlə bizə baxırdı.
Mən oynayanda o da rəqs edirdi. Hər dəfə də oynayıb kadra düşürdü, hər şeyi korlayırdı. Hava da çox isti idi, rejissor məcbur olub bu hissəni yenidən çəkirdi.
Üç dəfə “stop” deyiləndən sonra nəhayət ki, bu yer çəkildi. Kiçik oğlum da quyudan su çıxarılan vedrə ilə o qədər su çıxardı ki, vedrə başına dəydi, huşunu itirdi”.
Bolgexeber.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər