Təfəkkür Universitetinə köçürülən tələbələrə hədə-qorxu gəlirlər
12-09-2015, 10:40
Oxunub: 3 371
Valideynlər övldlarının 1-ci kurs tələbələri olmadığını, ikinci və ya üçüncü kursda oxuduqlarını bildiriblər
Bakı Asiya Universiteti bağlandıqdan sonra diqqət mərkəzində olan əsas məsələ həmin təhsil ocağının tələbələrinin hansı ali məktəblərə yerləşdiriləcəyidir. Təhsil Nazirliyi açıqlama vermişdi ki, sentyabrın 10-a kimi tələbələr universitetlərə yerləşdiriləcək. Nazirlik həmin universitetlərin hansılar olduğunu açıqlamasa da, Modern.az-a daxil olan məlumata görə, Bakı Asiya Universitetinin tələbələrinin əksəriyyəti Təfəkkür Universitetinə köçürülüb. Tələblər Təfəkkür Universitetinə gəlsələr də, burada başqa bir problemlə rastlaşıblar. Belə ki, “Təfəkkür”də tələblərə bildirilib ki, Bakı Asiya Universitetində hər il ödədikləri təhsil haqqında çox pul verəcəklər. Tələbə valideynlərinin bildirdiyinə görə, əgər övladları Bakı Asiya Universitetində 2200 manat təhsil haqqı ödəyirdisə, Təfəkkür Universitetində onlardan 2800 manat istənilib. Halbuki, keçən il həmin ixtisaslar üzrə Təfəkkür Universitetində təhsil haqqı 2400 manat göstərilib. Valideynlər övldlarının 1-ci kurs tələbələri olmadığını, ikinci və ya üçüncü kursda oxuduqlarını bildiriblər. Bu da son deyil. Təfəkkür Universitetində köçürmə yolu ilə gələn tələbələrə hədə-qorxu gəlinib ki, sadalanan şərtlərlə razılaşmasalar, həm təhsildən kənarda qalacaq, həm də diplom ala bilməyəcəklər. Modern.az saytı məsələ ilə bağlı Təfəkkür Universiteti ilə əlaqə saxlayıb. Təhsil ocağından Bakı Asiya Universitetinin tələbələrinin bir qisminin onlara göndərildiyi təsdiqlənib. Amma digər suallarımıza cavab vermək istəməyiblər. Tələbə Qəbulu üzrə Dövlət Komissiyasının mətbuat xidmətindən isə bildirilib ki, 2015-2016-cı tədris ili üçün Bakı Asiya Universitetinə tələbə qəbulu üçün qəbul planı ayrılmayıb. Qeyd edək ki, Bakı Asiya Universiteti Təhsil Nazirliyinə müraciət edərək, universitetin fəaliyyətinin müvəqqəti dayandırılması barədə bu ali məktəbin Elmi Şurasında qərarın qəbul edildiyini bildirib və hal-hazırda təhsil alan tələbələrin digər ali təhsil müəssisələrində yerləşdirilməsini xahiş edib. Təhsil Nazirliyi tərəfindən universitetin xahişi təmin olunub və 8 ixtisas üzrə təhsil alan 270 tələbənin digər universitetlərdə təhsillərinin davam etdirilməsinə razılıq verilib.
Bolgexeber.com
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər