Sarkisyanın bəyanatı kimə və nəyə hesablanıb?
12-03-2012, 21:25
Oxunub: 4 515
Elman Abdullayev: “Boş çıxışlarla Ermənistan prezidenti özünü lider kimi göstərməyə çalışır”
Ermənistan prezidenti Serj Sarkisyan növbəti dəfə sərsəm bəyanatla çıxış edib. Bolgexeber/com-un türk mətbuatına istinadən verdiyi xəbərə görə, Respublikaçılar Partiyasının qurultayında çıxış edən S. Sarkisyan ölkəsinin Qarabağ nizamlanmasında güzəştə getmək niyyətində olmadığını bildirib.
O öz sərsəm çıxışında bildirib ki, Dağlıq Qarabağ erməni torpağı idi, gələcəkdə də erməni olaraq qalacaq: “Ermənistan Dağlıq Qarabağın siyasi və iqtisadi inkişafına çox istiqamətli dəstək göstərməyə davam edəcək”.
Çox keçməyib ki, Azərbaycan tərəfi bu bəyanata cavab verib. Ermənistan prezidentinin bəyanatını şərh edən Xarici İşlər Nazirliyinin (XİN) rəsmi nümayəndəsi Elman Abdullayev "Trend"ə bildirib ki, Sarkisyanın bəyanatı daxili təbliğat məqsədlərinə xidmət göstərir və özünüreklama hesablanıb.
E.Abdullayevin sözlərinə görə, Serj Sarkisyan öz diplomatik yanılmaları və uğursuzluqları ilə razılaşa bilmir və bunu Dağlıq Qarabağ ətrafında sülh prosesinin pozulmasına yönəlmiş destruktiv çıxışları ilə kompensasiya etməyə çalışır, hərbi işğalçı siyasətini davam etdirməyə və haqq qazandırmağa cəhd göstərir: “Görünür, belə boş çıxışlarla Sarkisyan lider kimi görünməyə çalışır. Lakin artıq başa düşmək lazımdır ki, lider - ölkə rəhbərliyinin uzağı görməyən siyasəti sayəsində Ermənistanı udan iqtisadi durğunluğa və demoqrafik böhrana sürükləyən şəxs deyil, ölkəsini tərəqqiyə aparandır”.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər