Dünyanın ən qəribə nənəsi: 78 yaşlı fenomen - Foto
23-03-2012, 12:15
Oxunub: 5 314
78 yaşına çatan insanlar adətən gözləri zəifləmiş, ahıl, tərpənəndə ufuldayan adamlardır.
Onlar eynəksiz davrana bilmirlər. Hətta eynəksiz qəzet oxumağı ağıllarına belə, gətirmirlər.
"Hindustan Times" qəzetinin yazdığına görə Hindistanda yaşayan Çandro Tomar belə deyil.
Çandro nənənin 78 yaşı olsa da, o, hələ də quşu gözündən vurur.
Ağ, uzun saçlarını yığaraq başına yaylıq atan nənə əlində tutduğu və dəyəri 1800 dollar olan "dayan doldurum" tipli tapança ilə uzaqdakı hədəfləri tam dəqiqliklə vurur.
Çandro Tomar dünyanın ən yaşlı snayperi sayılır.
O, güllə atıcılığı üzrə Hindistanda keçirilmiş 25 ölkə çempionatına qatılıb, turnirlərin əksəriyyətində qalib gəlib.
Çandro nənənin 6 övladı və 15 nəvəsi var.
"Həyatımda nə isə xeyirli iş görmək, bacarığımı insanlara göstərmək istədim. İlk dəfə tapançadan atəş açanda anladım ki, bu iş mənlikdir. Yaş maneə deyil. Əsas məsələ gördüyün işə səy və diqqətlə yanaşmaqdır", - Tomar deyib.
Hindistanın Uttar-Pradeş ştatındakı Cohri kəndində yaşayan Çandro Tomar üçün nəvələrindən biri 10 il əvvəl həyətdə tir düzəldib.
Çandro nənə də elə 10 il əvvəl snayperliyə başlayıb.
"Nəvəmi atıcılıq klubuna aparırdım və güllə atana qədər oturub gözləyirdim. Axırda mən də güllə atmaq qərarına gəldim. Məşqçi məharətimi görən kimi komandaya daxil etdi. Sonra çempionatlara qatıldım və qalib gəldim", - Tomar deyir.
1998-ci ildə dostları ilə birlikdə atıcılıq klubu yaratmış məşqçi Faruk Patanın dediyinə görə, nənə onu heyrətə gətirib.
"Onun yaşı çox olsa da, həddən ziyadə sərrastdır. Çandro nənənin dəqiq gözü, möhkəm əli və qətiyyəti var", - Patan deyib.
Çandro Tomar indi bütün Hindistanda məşhurdur. Onun hələlik son qələbəsi isə Çennayda keçirilmiş ölkə çempionatındakı qızıl medaldır.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər