Çingiz Qənizadə Beyləqanda görüşlər keçirir-Foto
31-10-2010, 18:45
Oxunub: 5 582
99 yaşlı seçicinin namizədə arzusu: “Gələn il yüz yaşımı deputat kimi sizinlə qeyd etmək istəyirəm”
Hüquq Müdafiə Təşkilatları Monitorinq Qrupunun vahid namizədi Çingiz Qənizadə görüşlərini davam etdirir. 80 saylı İmişli-Beyləqan seçki dairəsindən namizədliyini verən hüquq müdafiəçisi bu günlərdə Beyləqan ərazisindəki kəndlərdə görüşlər keçirir. Namizədin seçki qərargahından verilən açıqlamada bildirilir ki, artıq rayonun 80 saylı dairənin ərazisinə düşən 16 kənddən 6-da görüşlər keçirilib: “Bu görüşlər çox möhtəşəm keçir. Kəndlərin bütün ziyalı təbəqəsi, ağsaqqallar qatılırlar. Çox maraqlıdır ki, insanlar artıq onlara su, qaz, yol vədləri verən yox, onların problemlərini dövlət qurumları qarşısında qaldırmağı bacaran, qanunların hazırlanmasında iştirak edən savadlı insanların seçilməsini istəyirlər. Sevindirici haldır ki, seçicilər bu qəbildən Çingiz Qənizadəyə üstünlük verirlər, seçkilərdə aktiv iştirak edəcəklərinə və ona səs verəcəklərinə söz verirlər”. Seçki qərargahının məlumatında o da bildirilir ki, 80 saylı İmişli-Beyləqan seçki dairəsində demokratik ab-hava hökm sürür: “Ümid edirik ki, bu ab-hava 7 noyabrda da saxlanacaq”.
Namizədin 10 mindən çox bukleti paylanıb. Bukletlərdə Ç.Qənizadənin beynəlxalq tədbirlərdə iştirakı, hüquq müdafiəçisi kimi fəaliyyəti haqda məlumatlar əksini tapıb: “İmişlidəki uğurlu görüşlər Beyləqanda da davam edir. Artıq dairə ərazisindəki 30 kənddə görüşlər keçirilib. Bu görüşlərdəki əhval-ruhiyyə deməyə əsas verir ki, dairədəki seçicilərin çoxu səsini Çingiz Qənizadəyə verəcək. Hətta kəndlərin birindəki 99 yaşlı seçici Çingiz Qənizadəyə 100 yaşını deputat kimi onunla qeyd etməyi arzuladığını bildirdi”.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər