BolgeXeber.Com » Mədəniyyət » 9 yaşlı qızın romanı satışda

9 yaşlı qızın romanı satışda

4-02-2016, 12:48

Oxunub: 4 173 9 yaşlı qızın romanı satışda

“Mütərcim” nəşriyyatında BSU-nun tələbələri Turan Əzimli və Vəfa Vəliyevanın tərcüməsində 9 yaşlı polyak Suzanna Kavanın “Anya Vud axtarışda” adlı kitabı çap olunub

Hələ mürəkkəb süjetli detektiv ədəbiyyat oxumağa hazır olmayan uşaqlar üçün nəzərdə tutulan bu kitabın azyaşlı məktəblilərin təxəyyülünün inkişafına zəmin yaradacağı şübhəsizdir.Əsərin balaca qəhrəmanı 9 yaşlı Anya Vud özünü xəfiyyə təsəvvür edərək məşhur cinayətkarları bir-bir ifşa edib, ələ keçirir. Bu kitabın qiyməti ondadır ki, oxucular hələ balacalıqdan sağlam cəmiyyət yaratmaq naminə öz bilik və bacarıqlarını təqdim etməyə hazırlanır, nadir peşələrdən biri olan dedektiv sənətinə maraq yaradır. Həmçinin kitabın dili uşaq şüuruna uyğun olduğu üçün oxucular özlərini hadisələrin içində hesab edirlər.

Qeyd edək ki, Suzanna Kava Təhsil Assosiasiyası İctimai məktəbinin 2-ci sinif şagirdi, “Gündəlik düzgün polyak dili” IX Ümumpolyak dili müsabiqəsinin laureatıdır. Tələbələrin tərcümə sahəsindəki ilk fəaliyyətləri olan “Anya Vud axtarışda” kitabı yaxın günlərdə oxuculara təqdim olunacaq. axar.az

Çox Oxunanlar