Nizami rayonunda 5 binanın sakinləri ayağa qalxdı - FOTOLAR
14-07-2016, 12:24
Oxunub: 2 153
Nizami rayonu, R.Rüstəmov küçəsində 5 binanın sakinləri yaşadıqları binanın qarşısında tikinti aparılmasına etiraz ediblər
Onlar 12, 14, 16, 24, 26 nömrəli binaların qarşısında yerləşən meydança və istirahət parkının gürcüstanlı iş adamı tərəfindən alındığını və orada hündürmərtəbəli bina tikiləcəyini bildirirlər. Musavat.com-un müxbiri adıçəkilən ərazidə olub və bina sakinlərinin şikayətini dinləyib.
Sakinlər 10 gündür ki, həmin şəxsin günorta saatlarında binalarının qarşısında tikinti aparılacaq ərazidə ölçü işləri apardığını bildirdilər. Bir neçə binanın yeganə istirahət yerini zəbt etmək istəyən şəxslə isə bu məsələ barədə danışmaq mümkün olmayıb. Sakinlər onunla görüşmək istəsə də, o, avtomobilinə minərək ərazidən uzaqlaşıb.
Etiraz edən sakinlər bu adamın pul hesabına istədiyini həyata keçirəcəyini dedilər: “İş adamının niyyəti burada “P” şəkilli bina tikdirməkdir. Bir dəfə ayaqüstü görüşmək şansımız oldu. Camaata yalandan dedi ki, guya 5 mərtəbəli bina tikəcək. Bu yolla camaatı sakitləşdirmək istəyir. Etiraz bildirənləri isə pulla susdurmaq istəyir. Ancaq heç kim onun təkliflərinə aldanmır. Özü də Mənzil-Kommunal Təsərrüfatı İdarəsinin müdirini ələ alıb, hər gün onun kabinetində olur. Həmin şəxs gələndə hamısı əl-ayağa düşür. Bir sözlə, pulla onları ələ alıb. Hər ağzını açanda da deyir ki, “yuxarıda “day-dayım” var. Polis gətirib, zorla da olsa binamı tikəcəyəm. Bu formada insanlara psixoloji təzyiqlər edir. Gürcüstandan gəlib, burada “at oynadır”. Pulu var axı… Bina sakinləri problemimizlə bağlı Nizami rayon İcra Hakimiyyətində də olduq. İcra nümayəndələri bizə bildirdi ki, həmin ünvanda heç kim tikinti işi apara bilməz. Əgər iş aparılarsa belə, sakinlərin kompensasiyası ödənilməlidir. Razılıq olmadan işin icrası mümkünsüzdür”.
Sakinlər, onların binanın tikintisinə etiraz etməməsi üçün dövlət işində işləyənlərə təzyiqlərin belə olduğunu dedilər.
Xətai rayonunda 116 nömrəli orta məktəbdə müəllim işləyən Ələsgər Şahbazov bu prosesə etiraz etdiyi üçün işdən çıxarılma ilə hədələndiyini dedi: “Tikinti aparılmasına etiraz etdiyim üçün Xətai rayon İcra Hakimiyyətinin nümayəndəliyindən zəng edib bildirdilər ki, etiraz etmə, yoxsa işini itirəcəksən. Bundan əlavə, Mənzil-Kommunal Təsərrüfatı İdarəsindən məni çağırıb, “razılaşmaq” istədilər. Mən isə onlarla razılaşmadım, öz etirazımı yuxarı instansiyalara bildirəcəyimi dedim. Nə olursa, olsun övladlarımın istirahət yerində tikinti aparılmasına yol verməyəcəyimi dedim. Burada bir neçə nəfəri bu formada qorxutmaq istəyirlər ki, heç kim etirazını bildirməsin. Ancaq bunun heç bir faydası yoxdur. Minlərlə insanın haqqını kimsə tapdaya bilməz”.
Qarşı tərəflərin də mövqeyini dərc etməyə hazırıq.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər