BolgeXeber.Com » Sosial » Azərbaycanda hər taksi sürücüsü turist daşıya bilməyəcək

Azərbaycanda hər taksi sürücüsü turist daşıya bilməyəcək

30-09-2016, 15:25
Oxunub: 3 161 Azərbaycanda hər taksi sürücüsü turist daşıya bilməyəcəkAzərbaycanda turist və ekskursantların daşınmasını həyata keçirən sürücülərlə bağlı yeni tələblər tətbiq ediləcək

Bolgexeber.com bildirir ki, Milli Məclisdən Trend-ə verilən məlumata görə, bu, yeni hazırlanan “Turizm haqqında” qanun layihəsində öz əksini tapıb.

Layihəyə görə, turist və ekskursantların daşınmasını həyata keçirən sürücülərin bilikləri nəzarət orqanı tərəfindən sertifikatlaşdırılmalıdır. Həmin sertifikatı əldə etməmiş daşıyıcı turist və ekskursantların daşınması ilə məşğul ola bilməz.

Turist avtonəqliyyatı vasitələrinin müvafiq icra hakimiyyəti orqanı tərəfindən peşə fəaliyyətinə və davranışına dair təsdiq olunmuş xüsusi proqram üzrə hazırlıq keçməlidirlər. Onlar həm də avtomobil nəqliyyatı ilə turistlərin və ekskursantların daşımalarını tənzimləyən normativ aktlar barədə zəruri biliklərə malik olmalıdırlar.

Layihəyə görə, turistlərin və ekskursantların daşınması üçün daşıyıcılar müvafiq icra hakimiyyəti orqanlarının birgə müəyyən etdiyi qaydada akkreditasiyadan keçməli və akkreditasiya kartları ilə təmin olunmalıdırlar.

Avtomobil nəqliyyatı ilə daşıma xidmətləri göstərən şəxs buna görə lisenziya aldıqdan sonra turistləri və ekskursantları daşıma sahəsində xidmət göstərmək üçün nəzarət orqanının nümayəndələrinin iştirakı ilə akkreditasiyadan keçməlidirlər.