BolgeXeber.Com » Xəbərlər » Villası partlayan “Azəravtoyol”un aparat rəhbəri Türkiyədə vəfat edib

Villası partlayan “Azəravtoyol”un aparat rəhbəri Türkiyədə vəfat edib

27-10-2016, 12:39

Oxunub: 2 205

Müşviq Qurbanov cəsədinin Türkiyədən Azərbaycana gətirilməsi istiqamətinə hazırlıq gedir

Oktyabrın 21-də qaz sızması nəticəsində evində baş verən partlayış zamanı ağır yanıq xəsarəti almış “Azəravtoyol” Açıq Səhmdar Cəmiyyətinin Aparat rəhbəri Müşviq Qurbanov dünyasını dəyişib.

Hazırda M. Qurbanovun cəsədinin Türkiyədən Azərbaycana gətirilməsi istiqamətinə hazırlıq gedir.

Xatırladaq ki, oktyabrın 21-də səhər saat 7 radələrində Hökməli qəsəbəsindəki partlayış nəticəsində 3 nəfər - 1972-ci il təvəllüdlü Müşviq Qurbanov, həyat yoldaşı, 1972-ci il təvəllüdlü Şəbruz Novruzova və qızları, 2004-cü il təvəllüdlü Leyla Qurbanlı ağır dərəcəli yanıq xəsarətləri alıblar. Ailənin 3 yaşlı qızı Banıçiçək Qurbanlı dünyasını dəyişib.

M. Qurbanovun və həyat yoldaşının bədəninin 80 faizi, qızları Leyla Qurbanlının bədəninin isə 40 faizi yanıb. Həmin gün Respublika Yanıq Mərkəzinə yerləşdirilən M. Qurbanov və Ş. Novruzova daha sonra yaxınlarının istəyi ilə Türkiyəyə xəstəxanaya göndərilib.

Çox Oxunanlar