BolgeXeber.Com » Media » Fərahim İlqaroğlu ailəsi ilə Almaniyaya mühacirət etdi - Arxivdən video

Fərahim İlqaroğlu ailəsi ilə Almaniyaya mühacirət etdi - Arxivdən video

31-10-2016, 15:28

Oxunub: 6 440

Jurnalist hazırda Suriya və İraqdan gələn qaçqınlarla eyni düşərgədə müraciətinə cavab gözləyir

Gənc jurnalist Fərahim İlqaroğlu Almaniyaya mühacirət edib.
Bu barədə musavat.com-a açıqlamasında jurnalist özü məlumat verdi. Fərahim bildirdi ki, hazırda Almaniyanın şəhərlərindən birindəki qaçqın düşərgəsində qalır. Müsahibimiz Suriya və İraqdan gələn qaçqınlarla eyni düşərgədə, çadırlarda qalır: “Ailəmlə birgə gəlmişəm. Oğlum körpədir, bilirsiz. 8 aylıqdır. Burda da səhhətində müəyyən problemlər var. Nə zaman müraciətimizə cavab veriləcək, bilmirəm. Uşaqla birgə çox çətindir”.

Həmkarımız söylədi ki, onların müraciətinə yaxın 6 ay müddətində cavab veriləcək. Həmin müddətdə isə jurnalist və ailəsi bir neçə düşərgəyə transfer olunacaqlar. F.İlqaroğlu onları çətin bir mərhələnin gözlədiyini dedi.

Jurnalist ölkədə iş tapa bilmədiyi və həyatına təhlükə hiss etdiyi üçün mühacirət etdiyini bildirdi: “Özümə də, ailəmə də təhlükə hiss etdim. Ailəmin təhlükəsizliyini təmin etməli idim. Bu səbəbdən də Almaniyaya gəldim”.

Müsahibimiz bundan artıq məlumat verə və detallara toxuna bilməyəcəyini dedi.
Musavat.com xatırladır ki, F.İlqaroğlu uzun müddət “Yeni Müsavat” qəzetində və APA holdinqdə çalışıb. O, Azərbaycan jurnalistikasının son illərdə imzası tanınan gənc reportyorlarından idi.

Qeyd edək ki, Fərahim İlqaroğlu reportyor işlədiyi dövrdə bir neçə dəfə fiziki xəsarətlərlə müşayit olunan təzyiqlərə məruz qalıb. Bunlardan ən ciddisi onun bir neçə il öncə, "Yeni Müsavat" qəzetində çalışarkən sifariş əsasında bir idmançı tərəfindən döyülməsi idi. Aşağıda həmin videonu təqdim edirik.

Fərahim İlqaroğlu ailəsi ilə Almaniyaya mühacirət etdi - Arxivdən video

Çox Oxunanlar