BolgeXeber.Com » Şou-Biznes » Prodüsser Zorik müğənni Natəvanın paxırlaını açdı

Prodüsser Zorik müğənni Natəvanın paxırlaını açdı

24-08-2012, 16:00

Oxunub: 5 721

"Natavan, sən unutma ki, sən Aygün Kazımova ilə ayaqlaşa bilməzsən. Natavan, sən Aygün girən kola girmə!"

Bu ifadələrii Natavan Həbibinin ən yaxın dostu Zorik işlədib.
ANS PRESS-in məlumatına görə, Zorik adı ilə məşhur olan tanınmış klipmeyker Zöhrab Ağayev və müğənni Natavan Həbibi arasında insident yaşanır. İki dost arasında yaşananlar o vəziyyətə çatıb ki, klipmeyker müğənnini polisə verib. Zöhrab Ağayev şikayət ərizəsi ilə Səbayel rayon 9-cu Polis Bölməsinə müraciət etmək məcburiyyətində qalıb. Müğənni bu gün polis bölməsində ifadə verməlidir.

Zöhrab Ağayev baş verənləri təfərrüatı ilə ANS PRESS-ə danışdı: "Hamı bilir ki, mən Natavan Həbibi ilə yaxından dostluq edirəm və yeni layihəsində ona kömək edirəm. Bununla yanaşı xətrini çox istədiyim lider müğənnilərdən biridir. Bu yaxınlaradək, yəni mən Aygün Kazımovanın Nabran konsertində iştirak etməyənə qədər belə idi. Təəssüflər olsun ki, Aygün xanımın konserti mənim Nabranda dincəldiyim ərəfəyə təsadüf etdi. Bəli, mən açıq-aşkar etiraf edirəm ki. mən buna çox təəssüf eləyirəm. Çünki o konsertdə iştirakıma görə başıma çox şeylər gəldi. Həmin konsertdə mən lap kənarda oturmuşdum. Sponsorlardan biri Aygün xanıma bahalı brend çanta bağışladı. Aygün xanım, “Konsertin sonunda bu çantanı ən aktiv fanatıma təqdim edəcəm” dedi. Sonda əlini yuxarı qaldırıb, “Mən bu çantanı burada əyləşən çox istedadlı gənc rejissor dostumuz Zöhrab Ağayevə hədiyyə edirəm. Hamı bilir ki, mən hər kəsə klip çəkdirmirəm, amma Zorikə klip həvalə eləmişəm, vaxtilə mənim üçün də klip çəkib.” Bu sözləri eşitdikdə mənim ayağlarım yerə yapışdı. Aygün Kazımovadan bu sözləri eşidəcəyimə inanmazdım. Çünki Aygün xanım bilirdi ki, mən Natavanla işləyirəm və vaxtilə də öz müsahibələrimdə, hətta ANS-in “Günə Baxan” proqramında bahalı kliplərlə bağlı onu tənqid də etmişəm.

Bəli, səhnəyə qalxdım və “Aygün xanım, baxmayaraq ki, mən başqa müğənni ilə işləyirəm, amma sizi 1 nömrə hesab edirəm!” deyə etiraf etdim. Bu etirafımdan sonra günüm oldu qara. Bütün bunları Natavan Həbibiyə çatdırdılar və o gündən bəri Natavan zənglərlə-mesajlarla məni təhqir etməyə, hədələməyə başladı. Senzuradan uzaq ifadələri təkrarlamaq istəmirəm. Amma bəzi mesajların mətnini açıqlaya bilərəm; “Satqınsan, get Aygünün yanına”, “Mən ömür boyu Aygünü reklam eləmişəm, onu fırlatmışam.”

Münasibətlərimizin bu dərəcəyə çatdığını görüb, onda qalan əşyalarımı geri qaytarmağı istədim. Mənə dedi ki, məndə olan hər şeyini tullamışam. Həmin əşyalar çox bahalı əşyalardı, tullanılası deyildi. Təkidlə əşyalarımı geri istədikdə yenidən məni hədələməyə. təhqir etməyə başladı. Himalay adında bir sevgilisi var, məni onunla qorxudur. “Himalay gecə vaxtı başını kəsib yanına qoyar. Nə bilim səni belə eləyər, elə eləyər. Çox təhqiramiz ifadələrlə məni hədələyirdi. Natavanın Himalay dediyi insanı çox gözəl tanıyıram. Çox mədəni insandır. Əminəm ki, onun özünün bu olanlardan xəbəri yoxdur. Natavan sadəcə onun adından istifadə edir.
Eləyə qalsa mənim çox dostlarım var, atam-anam var. Ola bilər ki, Natavan hansısa lotusuna, hansısa qoçuya məni döydürə bilər. Mən ən azından dünya səviyyəli xalçaçı rəssam Lətif Kərimovun nəvəsiyəm. Hər halda babamın adı hər hansı bir lotudan hörmətlidir. Buna baxmayaraq mən o addan istifadə etmirəm. Hüquq-mühafizə orqanlarına müraciət etməyi üstün tuturam.

Mənə yazdıqları bir yana, anama zəng vurub ağzından çıxanı deyib. Anam hal-hazırda atamla birlikdə Qazaxıstandadır və Natavanın zəngindən sonra təzyiqi qalxıb, halı pisləşib. Anama görə atam, qardaşım məni çox danladılar. Bütün bu olanlardan sonra mənim ürəyim tutdu və vəziyyətim ağırlaşdı.103 xidmətini çağırdım və onlar mənə infarktqabağı vəziyyət diaqnozu qoydular.

İnanın mənə, Natavan məni elə vəziyyətə gətirib çıxarmışdı ki. özümə sui-qəsd eləmək istəyirdim. 5-ci mərtəbədən özümü atmaq istəyirdim. Ay Allah, görəsən mən hansı dövlətdə yaşayıram? Azərbaycan Liviyadırmı, Suriyadırmı? Yoxsa insan hüquqlarının tanınmadığı hansısa geridə qalmış ölkədirmi?

Gör nə günə qalmışıq ki, Türkmənistandan gəlmiş hansısa bir müğənni əsli-köklü bakılıya hədə-qorxu gəlir. Nə isə, artıq tab gətirməyib dünən Səbayel rayon 9-cu polis bölməsinə şikayət ərizəsi ilə müraciət etdim. Natavanın mənə yazdığı təhqiramiz ifadələrlə dolu mesajları fakt olaraq polisə təqdim etdim. Natavanı bu gün polis bölməsinə dəvət etməlidirlər.Sona qədər gedəcəm, Natavana sübut edəcəm ki, onun güvəndiyi insanlar ola bilər, amma mənim arxamda dövlətimin, qanunlarımız dayanır. Mən müstəqil Azərbaycanın müstəqil vətəndaşıyam. Heç kimi ixtiyarı yoxdur ki, məni hədələsin, təhqir etsin. Mən dövlətimə arxalanmışam. Qoy qanun çərçivəsində məsələni həll etsinlər.
Natavan artıq 2-ci dəfədir belə hərəkət edir. Bir müddət əvvəl Tolikə də eyni problemi yaşatmışdı. O zaman Tolik də polisə müraciət etmək məcburiyyətində qalmışdı."

Natavan “qneloy” insandır. Aygünün konsertinə getdiyim üçün mənim başıma bu oyunları açan insana başqa nə deyə bilərəm?

Zöhrab Ağayev sonda Natavana belə bir mesaj göndərməyi özünə borc bildi: “Natavan, sən unutma ki, sən Aygün Kazımova ilə ayaqlaşa bilmərsən. Natavan, sən Aygün girən kola girmə! Sənin Nabrandakı konsertinə biabırçılıq olmasın deyə qapını açıb biletsiz-zadsız camaatı içəri buraxdılar. Amma Aygünün konsertində şəxsən mənim gözümün qabağında 50 manatlıq biletlərin üstündə qırğın gedirdi. Camaat Aygün Kazımovanın konsertinə düşmək üçün özünü öldürürdü. Natavan, sən ömrü boyu Aygün Kazımovanın etdiklərini edə bilməzsən. Dedin Neolitdə konsert verirəm, 1 biletin satılmadı. “Yaşıl Teatrda konsert vermək istədin, 1 dənə də olsun bilet satılmadı.

Nahid Eminoğlunun layihəsində kimsəsiz uşaqlarla düz 3 dəfə konsertinin anonsları verildi, biletlər satılmadığından hər dəfə təxirə salındı. Natavan, ola bilər ki, sən özün üçün 1 nömrəlisən, amma xalq səni sevmir, tanımaq istəmir. Sən Aygün Kazımovanın yerini verə bilməzsən.

Düzdür, bu gün çoxları mənim sözümə gülə bilər. Çünki, mən bu vaxtadək Natavan Həbibinin yanında olmuşam, onu tərifləmişəm. Amma, ziyanın yarısından qayıtmaq özü də bir xeyirdi!".

Qeyd edək ki, Natavan Həbibi ilə məsələ ilə bağlı əlaqə yaratmağa cəhd etdik. Ancaq müğənninin iki müxtəlif mobil nömrəsinə vurduğumuz zənglər nəticəsiz qaldı. Natavan Həbinin məsələ ilə bağlı mövqeyi qaranlıq qaldı.

Çox Oxunanlar