BolgeXeber.Com » Sosial » “Deputatların maaşı kəsilsin, köməkçiləri ləğv edilsin!” –Deputatlara sərt mesaj

“Deputatların maaşı kəsilsin, köməkçiləri ləğv edilsin!” –Deputatlara sərt mesaj

21-11-2016, 15:23
Oxunub: 2 887 “Deputatların maaşı kəsilsin, köməkçiləri ləğv edilsin!” –Deputatlara sərt mesaj Qarabağ qazisi, jurnalist Rey Kərimoğlu maraqlı və maraqlı olduğu qədər də söz-söhbət yarada biləcək bir təkliflə çıxış edib

Bolgexeber.com-un məlumatına görə, o, Qaziler.az saytına bildirib ki, deputatların maaşı ləğv edilməlidir:

"İlham Əliyevin yerinə olsam, ümumiyyətlə, deputatların maaşını ləğv edərəm! Axı 5-6 nəfəri çıxsaq, parlamentdə əyləşənlərin əksəriyyətinin aylıq 1500-2000 min manat ehtiyacı yoxdur! Köməkçiləri də ləğv edilsin! Kim istəyir canı çıxsın öz pulu ilə özünə köməkçi saxlasın!

10-15-20-25 ildir deputatdırlar, qoy bundan sonra millətə pulsuz xidmət etsinlər də! O pulu da yönəltsinlər Şəhid ailələrinin 20 ildir verilməyən qanpulunun (hər ailəyə 11 min manatdır) ödənilməsinə! Köməkçiləri ilə birlikdə ilə 3-4 milyon manat edir! Təkcə bu qənaətlə dövlət 4 ilə Şəhid ailələrinə olan borcunu tam bağlaya bilər!

Gözünüzü yumub deputatlarımızı gözünüzün qabağına gətirin…

Cəbhədə hər iki ayağını itirmiş 18 yaşlı əsgərə 75 manat verilməsinə səs verən adamlara pul düşmür! Şəhid ailəsini 200 manatın ümidinə buraxılmasına səs verən duputata pul düşmür! Vallah, elə belə demirəm! Qarabağ qazisinə, Şəhid ailəsinə belə hörmətsizlik edən adamlara pul vermək olmaz!".