BolgeXeber.Com » Xəbərlər » Bakıda 9 gün sonra toyu olacaq tanınmış iş adamının oğlu qəfildən öldü

Bakıda 9 gün sonra toyu olacaq tanınmış iş adamının oğlu qəfildən öldü

1-12-2016, 15:45
Oxunub: 2 599 Bakıda 9 gün sonra toyu olacaq tanınmış iş adamının oğlu qəfildən öldüBakıda tanınmış iş adamının gənc oğlu qəfildən dünyasını dəyişib

Bolgexeber.com-un Report-a istinadən xəbərinə görə, hadisə Sabunçu rayonu Bakıxanov qəsəbəsində körpünün üzərində qeydə alınıb.

Belə ki, 20 yaşlı Əliyev Asim Nəriman oğlu qardaşı Şəhriyar Əliyev ilə birlikdə 10 SL 222 dövlət qeydiyyat nişanlı "Mercedes" markalı avtomobillə hərəkət edərkən qəfildən halı pisləşib. A.Əliyev hava almaq üçün qardaşından avtomobili saxlamasını xahiş edib. O, körpünün üzərində dayanarkən qəfildən yıxılıb. Ş.Əliyev qardaşını xəstəxanaya çatdırıb. Lakin onun həyatını xilas etmək mümkün olmayıb. Həkimlərin dediyinə görə o, infarkt keçirib.

Qeyd edək ki, A.Əliyev "Qarabağ Broyler MMC"nin və "Şəhriyar" şadlıq sarayının sahibi Nəriman Əliyevin oğludur. Dekabrın 10-da A.Əliyevin toy məclisi olacaqdı. Onun nişanlısı yüksək vəzifəli polis əməkdaşının qızıdır.