BolgeXeber.Com » Gündəm » Novruzəli Orucov niyə keçmişini saxtalaşdırıb?- TƏFƏRRÜATLAR

Novruzəli Orucov niyə keçmişini saxtalaşdırıb?- TƏFƏRRÜATLAR

17-01-2017, 10:59

Oxunub: 14 518 Novruzəli Orucov niyə keçmişini saxtalaşdırıb?- TƏFƏRRÜATLAR

"Onun bu saxtakarlığa niyə getdiyini bilmirik, bəlkə aldığı general rütbəsini qanuniləşdirmək üçün edib, amma gördüyümüz odur ki, bu saxtakarlıq haqda mediada yazılmır, yazılanlara isə reaksiya verilmir”

Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti rəisinin müavini, general-mayor Novruzəli Orucovla bağlı son günlər mətbuatda eyli məlumatlar dolaşır

Bolgexeber.com olaraq biz də məsələni araşdırdıq və xəbər portallarında böyük rezonans doğuran bəzi faktlar topladıq.

Bu yaxınlarda Bakipost.az-ın redaksiyasına daxil olan məlumata görə, Novruzəli Orucov öz keçmişini saxtalaşdırıb. Məktubda qeyd olunur ki, N.Orucov məlum olmayan səbəblərdən özünü keçmiş döyüşçü kimi qələmə verir: "Nədənsə bunlarda belə təəssürat var ki, hərbi sistemdə işləyirsə mütləq müharibədə iştirak etdiyi görüntüsünü yaratmalıdırlar. Halbuki, istənilən vəzifədə təmsil olunmaq üçün döyüş təcrübəsi yox, bilik, savad, bacarıq lazımdır. Səfərbərlik və Hərbi Xidmətə Çağırış üzrə Dövlət Xidməti hərbi sistemdir, lakin burada da N.Orucovun tutduğu vəzifəni tutmaq üçün döyüşçü olmaq vacib deyil. Buna baxmayaraq, nədənsə adıçəkilən şəxs özünün haqqında məlumatları saxtalaşdıraraq guya Füzuli istiqamətində gedən döyüşlərdə iştirak etdiyini bildirir. Halbuki, biz özümüz Füzulidə döyüşmüşük və bilirik ki, orada elə bir adam döyüşlərdə iştirak etməyib. Onun bu saxtakarlığa niyə getdiyini bilmirik, bəlkə aldığı general rütbəsini qanuniləşdirmək üçün edib, amma gördüyümüz odur ki, bu saxtakarlıq haqda mediada yazılmır, yazılanlara isə reaksiya verilmir”.

Məktub müəllifləri məsələ haqda ölkə rəhbərliyinə müraciət ünvanlanacağını bildirirlər.
Novruzəli Orucovun Vikipediya səhifəsində isə belə məlumatlar var:
Orucov Novruzəli Hüseyn oğlu 1962-ci ildə Ucar rayonunda anadan olub. Ucar şəhərindəki 2 nömrəli orta məktəbdə təhsil alıb.
1969-cu ildə, 6 yaşında ikən atasını itirib. Zaqafqaziya Hərbi Dairəsində - Gürcüstanın Qori şəhərində kiçik tank komandirləri kursunu bitirib.
Sonra Axalkələkdəki 13-cü qvardiya diviziyasında kiçik tank komandiri kimi müddətli həqiqi hərbi xidmət keçib.

Hərbi xidmət zamanı göstərdiyi şücaətə görə «Döyüş xidmətlərinə görə» medalı ilə təltif olunub. Hərbi xidməti bitirdikdən sonra bir müddət zavodda fəhlə işləyib. Daha sonra Xarkov Ali Hərbi Tank Komandirləri məktəbinə qəbul olunub.

Sovet ordusunun Macarıstandakı hərbi birləşməsində 1 il kəşfiyyat taqımının komandiri, sonra isə müvafiq olaraq tank taqımının və bölüyünün komandiri vəzifələrində çalışıb.

Azərbaycana 1991-ci ildə gələn N.Orucov bir müddət Salyan Rayon Hərbi Komissarının müavini vəzifəsində çalışıb. Qazax rayonunun müdafiəsində, həmçinin Füzulidə tank taborunun komandiri kimi döyüşlərdə iştirak edib.

N.Orucov 2007-2012-ci illərdə KHVTİC Respublika Şurasının sədri vəzifəsində çalışıb. Azərbaycan Respublikası Prezidentinin 13 mart 2010-cu il tarixli Sərəncamı ilə general-mayor hərbi rütbəsi verilib.

2012-ci ilin may ayından Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti rəisinin müavinidir.

Mövzu ilə bağlı araşdırmamız davam edir. Novruzəli Orucov haqqnda başqa faktlar da əlimizdə var. Onları geniş təfərrüatı ilə növbəti yazıda oxuya biləcəksiz.

Qarşı tərəfin mövqeyini dərc etməyə hazırıq.

Bolgexeber.com

Çox Oxunanlar