BolgeXeber.Com » Xəbərlər » Laçınlı məmur haqda ilginc iddialar - İTTİHAM VAR

Laçınlı məmur haqda ilginc iddialar - İTTİHAM VAR

16-01-2017, 17:36

Oxunub: 2 738 Laçınlı məmur haqda ilginc iddialar - İTTİHAM VAR

"Hər il hər müəllimin maaşından “qəzet pulu” adı ilə 15 manat saxlanılsa da, heç kəsə heç bir qəzet verilmir"

Laçın rayonunun təhsil ocaqlarında çalışan müəllimlərdən bir neçəsi “Gündəm Xəbər”in redaksiyasına zəng edərək, rayonun təhsil şöbəsində yaşanan acı həqiqətlərin ictimailəşməsini istədilər. Məhz, onlar bildirdilər ki, “xeyli müddət bundan əvvəldən rayonun təhsilinə rəhbərlik edən Malik Vəliyev, bu gün nəinki rayonun, hətta ümumilikdə təhsilimizin “bel sütunu”nu məhv etməkdədir. Azərbaycan Respublikasının Prezidenti İlham Əliyev cənablarının 19 may 2015-ci il tarixdə Binəqədi rayonu ərazisində yanan bina ilə bağlı korrupsiya əleyhinə olan çıxışından başlayaraq, indiyə qədərki çıxışlarında irəli sürdüyü "Qoy hamı bilsin ki, heç kəs məsuliyyətdən kənarda qala bilməz" kimi, antikorrupsiya çağırışlarını KİV-də təkrar-təkrar ictimailəşdirildiyinə görə, korrupsiya məngənəsində əzablara məruz qalan əhali, xüsusilə də, Laçın rayon sakinləri böyük ümid və sevinclə qarşıladı. Bəs, zirehləndirilmiş bəzi məmurlar müxtəlif ünvanlarda bu humanist çağırışa necə münasibət bəslədilər?

“Təhsil millətin gələcəyidir”. Əsrlərin sınağından çıxmış bu kəlam bu gün də bəşəriyyətin tərəqqipərvər qisminin intellektual sferasında öz aktuallığını saxlamaqdadır. Bu kəlamı və möhtərəm Prezidentimizin məlum antikorrupsiya çağrışlarını, yəqin ki, Laçın rayon Təhsil Şöbəsinin zirehləndirilmiş sabiq müdiri, rayonda heç kəsi, hətta qanunları belə vecinə almayaraq təhsili iflic edən Malik Vəliyev və onun başçlığı altında rahatlıqla fəaliyyət göstərən mütəşəkkil korrupsioner banda (yalnız Vəliyev Malikin meyarları əsasında seçilmiş əksər məktəb direktorları və təhsil şöbəsinin bəzi məmurları) da eşitməmiş olmazdı. Bəs, bu müqəddəs yola başqa cür baxanlar necə? Onları kimə bənzətmək olar? Yüksək mövqeli hamisinin himayəsi sayəsində təşkil edilmiş “cəzasızlıq şəraitində“ Laçın rayonunda təhsili darmadağın edən Vəliyev Malik və onun başçılığı altında rahatlıqla fəaliyyət göstərən mütəşəkkil korrupsioner dəstənin əməllərini saymaqla qurtarmaq olmaz. Belə ki, Malik Vəliyev və seçilmiş məmurlar sindromu sayəsində məlum ünvanda mütəmadi olaraq tədris ilinin əvvəlində şagird şəbəkəsini təsdiq etdirmək, az qala hər ay “yuxarıdan gələn” yoxlamaları yola salmaq, məktəbə yanacq, peç, truba və digər avadanlıqlar almaq, məktəbi təmir etdirmək, müxtəlif tədbirlərə vəsait, müxtəlif ünvanlara sovqat göndərmək və s. adı ilə, məktəblərdəki işini itirmək istəməyən hər bir işçidən xüsusi peşəkarlıqla müəyyən məbləğdə pul yığılır. Bu seçilmiş mütəşəkkil dəstənin fəal üzvləri respublikanın hansı rayonunun sakini olmasına baxmayaraq, biliyi öz şagirdinin bilik səviyyəsindən çox aşağı olanları, diplomu saxta olanları, işləməyə icazəsi və yaşı çoxdan bitənləri axtarıb taparaq işə düzəldib adlarına külli miqdarda əməkhaqqı yazıb, onun az bir hissəsini onlara verir, qalanını isə özləri götürürlər.

Dünyanın hansı ölkəsində yaşamasından asılı olmayaraq yalnız əmək stajına razı olan hər kəsi axtarıb taparaq, onların adlarına fantastik miqdarda əməkhaqqı yazıb özlərinə götürülər. Nə orta, nə də ali məktəbdə bir gün də olsun dərsə getməsə də, “diplom”u olanlardan, Vətənimizin müharibə vəziyyətində olduğu hazırki zamanda hərbi xidmətdən dolayı yollarla yayınan “dezertir”lərdən hər biri Malik Vəliyevin könlünə yatan məbləği verərsə, istənilən məktəbdə, hətta, təhsil şöbəsinin aparatnda belə istədiyi vəzifəni ala bilər. Bir sözlə, Laçın rayon təhsil şöbəsində Malik Vəliyev və seçilmiş direktor labirinti sayəsində, dövlət büdcəsini və müəllimləri amansızlıqla çapıb-talamaq peşəkarlıq göstəricisi hesab olunur.

Laçın rayon Təhsil Şöbəsinin anoloqu olmayan zirehləndirilmiş müdiri Malik Vəliyevin dünya təhsil sisteminə və pedaqogika elminə gətirdiyi analoqu olmayan yeniliklərdən biri də, bundan ibarətdir ki, seçdiyi pedoqoji təhsili olmayan, diplomu saxta olan, hətta iki eşşəyin arpasını bölməyi belə bacarmayan direktorlardan bəzilərinin əlinə bir neçə gerbli möhür verərək, həmin məktəblərin direktorluğunu onlara həvalə etməklə, yenə də, pedaqoji kollektivə və əhaliyə anoloqu olmayan cəhənnəm əzabını yaşadır. Hələ, Malik Vəliyevin təhsil şöbəsinin aparatına yerləşdirdiyi tamamən təhsili olmasa da, “diplom”ları olan “dezertir”lər dəstəsinin nələrlə məşğul olduğunu bilsək, ən qatı düşmənlərimizə belə şükür edərik. Hər ay hər müəllimin əməkhaqqından21% həcmində vergi pulu tutulur. Bundan əlavə, maaş cədvəlində müəllimlərin bir hissəsinin maaşlarından kəsib başqa müəllimlərin adına yazırlar, həmin pulu isə sonralar direktorlar “artıqdan yazılmış saat” kimi həmin müəllimlərdən alırlar. Fəal məktəb direktorları az qala ayda bir dəfə məktəbdə işləyən məcburi köçkünlərin hamısından nə yolla olursa-olsun, şəxsiyyət vəsiqələrinin surətlərini alır. Eşitdiyimizə görə, həmin surətlər əsasında onların adlarına əlavə yardım pulu yazıb özləri mənimsəyirlər. Hər tədris ilinin sonunda hər müəllimdən “sığorta pulu” adı ilə 8-10 manata qədər pul saxlanılır. İldə bir neçə dəfə sinif rəhbərliyi pullarının və texniki işçilərin maaşlarının hamısı zorla da olsa əllərindən alınır. 2014/2015- ci tədris-buraxılış ilində isə, rayon üzrə bütün müəllimlərin 25 avqust—15 sentyabr dövründəki maaşlarından əməkhaqqı cədvəlində 3 günün əməkhaqqısı kəsilmişdir. Hər il hər müəllimin maaşından “qəzet pulu” adı ilə 15 manat saxlanılsa da, heç kəsə heç bir qəzet verilmir.

Testdən keçib iş yerinə gələn müəllimləri aldadaraq qorxudub iş yerindən qaçırır, həmin dərsləri isə, “artıq saatlar” kimi onun-bunun adına yazaraq sonra da özlərindən alırlar. İşdən hali olan müəllimləri əvvəlcə aldatmaq istəyirlər, aldanmayanları isə “ağıllı” olmağa dəvət edirlər. “Ağıllı” olmaq istəməyən məzlumların ərizələrindəki məlumatları isə, yerli hökumətin rəsmi səlahiyyətlərinin zoru hesabına yalana çıxardaraq, onlara böhtançı damğası vururlar. Sonra isə işə cəlb edilmiş rayon məhkəməsinin sifarişli qərarı ilə, məzlumların yalana çıxarılmış məlumatları vəzifəli şəxslərin şərəf və ləyaqətini alçaldan yalan məlumatlar hesab edlir. Bunun ardınca isə, daha bir sifarişli “məhkəmə qərarı” ilə bu yurdsuz-yuvasızlardan külli miqdarda pul alınaraq, həmin məmurlara ödətdirməklə, həmin məmurların alçaldılmış şərəf və ləyaqətlərini guya bərpa etməyə çalışacaqlar. Hər kəs isə, bu acınacaqlı sonluqdan özü üçün ibrət dərsi alacaqdır. Yoxsa, bütün bunlara görədirmi ki, Vəliyev Malk harada gəldi nümayişkaranə tərzdə bəyan edirmiş ki, pulum var, nə qədər hesab istəsələr verib ya bu rayona icra hakimiyyətinin başçısı, ya da regional təhsil idarələrindən birinə müdir keçəcəyəm. Vay o xalqın halına ki, bu günü də görə. “Niyyətin hara, mənzilin ora?”... Həm də bu yolla?... Bu yolun isə bizi Laçına aparmayacağını, ən qatı düşmənlərimiz belə, nə qədər vicdansız olsalar da, danmazlar! Kimsələr nə danışsalar belə! ... Allah sən bu xalqı qoru! O xalqı ki, həm cəbhədə yağı düşmənlə mərdliklə döyüşür, həm də məişətində zirehləndirilmiş Malikkimilərin rəsmi səlahiyyətləri çərçivəsində təşkil edilmiş mütəşəkkil korrupsional fırıldaqlarına çarəsiz qaldığından dözməyə davam edir. Yüksək mövqeli hamisinin himayəsi sayəsində təşkil edilmiş “cəzasızlıq şəraitində“ Laçın rayonunda təhsili tamamilə darmadağın edən dəstənin “qlavar”ı olan Vəliyev Malikin belə yüksək mövqelərdən birini zəbt etməsinin onsuz da başı kifayət qədər dərddə olan xalqımıza gətirəcəyi fəlakətlərin miqyasını və miqdarını hesablayıb qarşısını ala bilmək üçün, təkcə mahir riyaziyyatçı olmaq kifayət etməz.

Bunun üçün bir balaca milli qürur hissinə sahib olmaqla bərabər, həm də milli-mənəvi dəyərlərimizə hörmətlə yanaşa bilmək cəsarəti tələb olunur. Azğın korrupsioner məmurlar tərəfindən xalqın əzilən qismi olaraq, biz möhtərəm Prezidentimizin davamlı antikorrupsiya çağrışlarında ictimai nəzarətin nə qədər vacib olduğu tezisini dəstəkləyərək rayonumuzda zirehləndirilmiş bəzi məmurların rəsmi səlahiyyətləri çərçivəsində təşkil edilən mütəşəkkil korrupsiya əməliyyatları haqqında məlumat verməklə, öz vətəndaşlıq borcumuzu yerinə yetirməyə çalışırıq. Hörmətli xəbər portalı! Sizdən artıq dərəcədə xahiş edirik ki, cəmiyyətimizin bir strateji sahəsindəki cəzasızlıq şəraitində yüksələn templə tüğyan edərək bizi daha fəlakətli uçrumlara yuvarlayan bu mütəşəkkil korrupsiya şəbəkəsinin aradan qaldırılması üçün, nüfuzunuzun və vəzifə səlahiyyətlərinizin imkanlarından, beynəlxalq və milli qanunlarımız çərçivəsində maksimum dərəcədə istifadə edərək, daha effektli tədbirlərin görülməsində öz köməkliyinizi əsirgəməyəsiniz. Bunu etməklə Siz həm vətəndaşlıq, həm də vəzifə borcunuzu yerinə yetirmiş hesab olunacaqsınız. Respublikamızın əyalətlərində yaşayan əhalisinin “burada mənəm, Bağdadda kor xəlifə” əhvali-ruhiyyəli məmurların özbaşınalıqlarından ümidlərini itirdiklərinə görə gözləri yoldan, qulaqları səsdən yığışmış qisminin deyil, ümidlərini itirmədiklərinə görə hələ də gözləri yolda, qulaqları səsdə qalan qisminin ümidlərinə güvənərək Sizə müraciət edirik ki, bizim haqq səsimizi eşitməzlikdən gələn ünvanlara çatdırasınız...

Nə qədər çətin olsa da... Yazırıq ki, bu uzun naməni hər yan oxusun, Amma, əvvəlcə bizim Molla Süleyman oxusun! Oxusun! Qoy oxusun ki, rayon təhsil şöbəsi kimi mühüm milli-strateji bir sahəni yağı düşmənsayağı darmadağın edən Malik Vəliyev kimi fərdlərin vəzifə ierarxiyasında daha yüksək pillələrə can atması iddiasının haradan qaynaqlandığına təəccüblənməsin. Sən demə, bir xalqı məhv etmək üçün onun nə müəllimini, nə də həkimini savadsız etməyə ehtiyac yoxmuş, əgər onun yaşadığı cəmiyyətin idarə edilməsi proseslərində Malikkimlər istədikləri vaxt istədikləri yüksək mövqeləri zəbt edə bilirlərsə, ....

Çox Oxunanlar