BolgeXeber.Com » Siyasət » Rusiyaya cavab gecikmədi

Rusiyaya cavab gecikmədi

24-09-2012, 11:50
Oxunub: 3 952 Azərbaycan, Türkiyə və Gürcüstan birgə hərbi təlimə başladı

Bu gün Ankarada Azərbaycan, Türkiyə və Gürcüstan hərbçilərinin iştirakı ilə “Sonsuzluq 2012” (Eternity-2012) komanda qərargah təlimləri başlayıb.Bolgexeber.com-un Türkiyə Silahlı Qüvvələrinin Baş Qərargahının rəsmi saytına istinadən verdiyi xəbərə görə, “Sonsuzluq (Eternity) Manevri”adlanan hərbi təlimlərdə Azərbaycan, Türkiyə və Gürcüstan Silahlı Qüvvətlərinin heyətləri iştirak edəcəklər.
24-28 sentyabrda 2012-ci il tarixində baş tutacaq təlimə Türkiyədən 19 (2-si BOTAŞ-ın nümayəndəsi olmaqla) nəfər qatılacaq.
Qeyd edək ki, ildə bir dəfə, hər dəfə bir ölkədə keçirilən kompüter dəstəkli "Sonsuzluq" təlimləri əsas ixrac neft və qaz kəmərlərinin mühafizəsi məqsədini daşıyır. Təlimə Silahlı Qüvvələrlə yanaşı, hər üç ölkədən boru kəmərlərinin mühafizəsi və idarəetməsi ilə məşğul olan digər qurumların nümayəndələri də qatılır.