BolgeXeber.Com » Sosial » Marketlərdə farş ətdən 3-4 manat ucuzdur: Tərkibinə nə qatılır? VİDEO

Marketlərdə farş ətdən 3-4 manat ucuzdur: Tərkibinə nə qatılır? VİDEO

7-02-2017, 11:48

Oxunub: 3 464

Paytaxtdakı bəzi supermarketlərdə çəkilmişi, ətin özündən 3-4 manat ucuzdur

Əksər supermarketlər və mağazalarda çəkilmişi, ətin özündən 3-4 manat ucuz satılır. Halbuki, ət sümükdən ayrıldıqda və çəkildikdə sahibkar bunu daha yüksək qiymətə satmalıdır. Amma realliqda bunun əksi müşahidə edilir. Bəs görəsən səbəb nədir?

Xezerxeber.az məlumat verir ki, ətin 1 kiloqramı 14 manat 49 qəpik və 11 manat 29 qəpikdən təklif edilir. Çəkilmişinin kiloqramı isə uyğun olaraq 10 manat 79 qəpik və 8 manat 99 qəpikdır. Paytaxtdakı bəzi supermarketlərdə çəkilmişi, ətin özündən 3-4 manat ucuzdur. Halbuki, farş ət sümüksüz və hazır olduğundan ətin özündən baha olmalıdır.

Sakinlərin bu məsələ ilə bağlı fikri birmənalı deyil. Qəssablar da çəkilmiş məhsulun ətin özündən baha olmasını normal hesab etmirlər.

Dövlət Baytarlıq Nəzarəti Xidmətindən isə “Xəzər Xəbər”ə bildirildi ki, ətin özündən ucuz olan çəkilmiş məhsulda əlavə hansısa qatqı ola bilər. Yaxud da mənşəyi bəlli olmayan ət də ola bilər.

Mövcud qaydalara görə, ət yalnız alıcının, yaxud da baytar həkimin yanında sümükdən ayrılıb çəkilə bilər. Bununla yanaşı, çəkilmiş ətin baytarlıq arayışı da olmalıdır. Həmin sənəddə nə əti olması və hansı səbəbdən çəkilməsi göstərilməlidir. Qurumdan məsləhət görüldü ki, çəkilmiş ət alan vətəndaşlar mütləq həmin arayışı satıcıdan tələb etsinlər.

Çox Oxunanlar