BolgeXeber.Com » Siyasət » Müxalifətin mitinqinin vaxtı açıqlandı

Müxalifətin mitinqinin vaxtı açıqlandı

26-09-2012, 13:25

Oxunub: 3 749

İctimai Palata oktyabr ayında etiraz aksiyalarına başlamaq istəyir

Siyasi müstəvidə uzun sürən durğunluqdan sonra müxalifət yenidən aktiv fəaliyyətini nümayiş etdirmək üçün kütləvi aksiyalara başlayır. Bu barədə Müsavat başqanın müavini Arif Hacılı məlumat verib. Partiya rəsmisi bildirib ki, artıq aksiyaların keçirilmə vaxtı da müəyyəm edilib: “Mən belə aksiyaların oktyabr ayında başlanacağını istisna etmirəm. Çox güman ki, oktyabr ayında biz yenidən aksiyalara başlayacağıq. Biz bu istiqamətdə hazırda müzakirələrimizi davam etdiririk, əgər aksiyalarla bağlı yekun qərar qəbul olunsa, ən qısa zamanda hazırlıq işləri həyata keçirələcək. Bununla bağlı lazım olarsa, Bakı şəhər İcra Hakimiyyətinə müraciət də edəcəyik”.
Beləliklə, İctimai Palata “Eurovision” mahnı müsabiqəsi ərəfəsində həyata keçirdiyi silsilə aksiyalardan sonra yenidən siyasi aktivliyini bərpa etmək niyyətindədir. Bu istiqamətdə 2013-cü il prezident seçkiləri öncəsi kütləvi aksiyaların keçiriləcəyi istisna edilmir.

Çox Oxunanlar