loading...
XƏBƏR LENTİ
ƏN ÇOX OXUNULANLAR

SORĞU
 

Saytımızın yeni görünüşü

Əla!
Yaxşı
Normal
Fərq görmürəm
Çox pis!

 
 

“Evimdə 14 ermənini gizlətmişdim...” - Afaq Bəşirqızı

“Evimdə 14 ermənini gizlətmişdim...” - Afaq Bəşirqızı“Onlardan xəbərim olmadı. Tuğ kəndində idilər. Sadəcə Ediklə sonuncu dəfə söhbət edəndə dedi ki, “Krunk”a üzv olmayanların siyahısı bayaq adını çəkdiyim həmin qara paltolu şəxslərin əlində olub”

Azərbaycanın xalq artisti Afaq Bəşirqızı femida.az-a Sumqayıt hadisələri ilə bağlı müsahibə verib

Bolgexeber.com xəbər verir ki, aktrisa müsahibəsində 14 nəfər ermənini evində gizlətdiyini deyib:

“Sumqayıtdakı bir otaqlı mənzilimdə 14 nəfər ermənini və onlara gələn qonaqları gizlətmişdim. Edik, Şura, qızı, onun həyat yoldaşı və digər qonşumuz olan ər-arvad, oğlu, gəlini və nəvələr idi. İki gün evimdə qalandan sonra saat 01:30-da onları özüm şəxsən BTR -ə mindirib Füzulinin Tuğ kəndinə yola saldım”.

Afaq Bəşirqızı hadisədən sonra onlarla görüşmədioyini söyləyib:

“Onlardan xəbərim olmadı. Tuğ kəndində idilər. Sadəcə Ediklə sonuncu dəfə söhbət edəndə dedi ki, “Krunk”a üzv olmayanların siyahısı bayaq adını çəkdiyim həmin qara paltolu şəxslərin əlində olub”.

Xalq artisti ermənilərin yerini demək üçün ona pul təklif edildiyini vurğulayıb:

“Pul təklif etmişdilər ki, ermənilərin yerini deyim.Təklif edənləri tanımaq qeyri-mümkün idi, amma onlar məni çox çətin tanıdılar. Erməni saxladığıma görə kimsə məni satmışdı. Erməniləri evimizdə gizlətdiyimiz bir vaxtda qapımız döyüldü. Qara paltolu, şotland şarflı iki nəfər və onlarla bərabər 2-3 uşaq da qapıda dayanmışdı.



Qapı açılanda onlar məni tanımadı, amma yanlarındakı uşaqlar tanıdı və “Afaq xanımın evidir, evinizdə erməni var?” deyəndə hər iki şəxs təəccüblə biri-birilərinə baxdı. Məni tanıyırmış kimi salam verdilər. Elə bilirdim ki, onlar azərbaycanlıdır. Bizim dildə səlis danışırdılar. Təbii ki, onların azərbaycanlı olmadığını sonradan dərk etdim”.

Xatırladaq ki, 1988-ci ilin fevralın 27-dən 28-nə keçən gecə Sumqayıt şəhərində erməni separatçıların yaratdıqları “Krunk” təşkilatına pul köçürməyən ermənilər qətlə yetirilib. İğtişaşa “Paşa” ləqəbli Qriqoryan Eduard

Robertoviç adlı erməni başçılıq edib. Qriqoryana Sumqayıtda yaşayan və təşkilata kömək etməyən ermənilərin dəqiq siyahısı və ev ünvanları verilib.

Erməni təxribatı nəticəsində baş verən hadisələrdə meydanlara toplaşan insanları sakitləşdirməyə çalışan xalq artisti Afaq Bəşirqızı iğtişaşların səbəbkarı olaraq istintaqa cəlb olunub və güllələnmək təhlükəsi ilə üzləşib.
Bölmə: Müsahibə-Reportaj | 27 fevral 2017 16:00 | Baxış sayı: 220





ŞƏRH YAZ
Adınız:       E-mail ünvanınız:

Qalın Maili Alt cizgi Üst cizgi | Solda Mərkəzdə Sağda | Gülməcə əlavə et Keçid linki əlavə etQorunmuş keçid linki əlavə et Выбор цвета | Gizli mətn Sitat gətir Seçilmiş yazıları kiril əlifbasına çevir Вставка спойлера
Rəsimdə gördüyünüz kodu daxil edin: