BolgeXeber.Com » Gündəm » Ucarda bu ailə imkansızlıqdan Novruz Bayramını qeyd edə bilmədi - Müraciət

Ucarda bu ailə imkansızlıqdan Novruz Bayramını qeyd edə bilmədi - Müraciət

22-03-2017, 10:26

Oxunub: 3 526

"Əmək və Əhalinin Sosial Müdafiəsi Nazirliyi 4 aydır bizə qanunu qaydada təyin edilmiş sosial yardımı vermir"

Bolgexeber.com-un redaksiyasına məktub yazan Ucar rayonu, Təzə Şilyan kənd sakini Məmmədova Şərafət Maqsud qızı 4 ay sosial yardım ala bilmədikləri barədə şikayətini bildirir.

Narazı vətəndaşın şikayətini olduğu kimi dərc edirik:

"Bu gün baharın gəlişini Novruz bayramını Azərbaycan xalqı qeyd edir. Ancaq bizim ailəmiz bayram etmir matəm içindəyik. Çünki Əmək və Əhalinin Sosial Müdafiəsi Nazirliyi 4 aydır bizə qanunu qaydada təyin edilmiş sosial yardımı vermir. 7 nəfərdən ibarət ailəmiz yoxsulluq həddində yaşadığına görə ünvanlı sosial yardım almaq üçün Əmək və Əhalinin Sosial Müdafiəsi Nazirliyinin "VEMTAS" sisteminə sənəd təqdim etdik. 2016-cı ilin iyul ayı tarixində bizim ailəyə ünvanlı sosial yardım təyin edildi və həmin ilin noyabr ayına kimi yardım aldıq .Bundan sonra düz 4 aydır 2016-cı ilin dekabr 2017-ci ilin yanvar, fevral və mart aylarının sosial yardımlarını heç bir əsas olmadan vermirlər. Həyat yoldaşım və qızım 1-ci qrup əlildirlər. Ailəmizdə iki azyaşlı 3 və 1 yaşları olan nəvəm var.Əziz Novruz Bayramını biz yoxsulluğa görə edə bilmirik. Nəinki bayram edə bilmirik, hətta aclıqdan ölmək təhlükəsi ilə üz-üzə qalmışıq. Heydər Əliyev Fondunun Prezidenti Mehriban xanım Əliyevanın köməkliyi ilə Bakıda "Neftçilər" xəstəxanada böyrək xəstəliyindən əziyyət çəkən qızım Zeynəbə mənim böyrəyim köçürüldü. İndi də mətbuat vasitəsi ilə həm Mehriban xanımın bayramını təbrik edirəm həm də ondan çox-çox xahiş edirik bizim ailənin yoxsulluq həddindən də aşağı həddə yaşamasını nəzərə alıb 4 aydır verilməyən sosial yardımın verilməsinə köməklik edəsiniz".
Bolgexeber.com

Çox Oxunanlar