BolgeXeber.Com » Gündəm » Buzovna qəsəbəsində dəhşətli oğurluq hadisəsi baş verib-FOTOLAR

Buzovna qəsəbəsində dəhşətli oğurluq hadisəsi baş verib-FOTOLAR

20-04-2017, 16:16

Oxunub: 13 388 Bakının Buzovna qəsəbəsi, Albalı bağları adlanan ərazidə yaşayış evində oğurluq hadisəsi baş verib

Hadisə yerində olan əməkdaşımız Təbriz Məhərrəmoğlunun verdiyi məlumata görə, hadisə dünən gecə saatlarında baş verib.
Oğurluq hadisəsi nəticəsində ev sahibi Lazım Əliyevə külli miqdarda ziyan dəyib.
Ev sahibi düşünür ki, hadisə naməlum şəxs və ya şəxslər tərəfindən törədilib.
"İşdən evə qayıtmışdım. Evə çatanda qapının açıq olduğunu və qıfılın sındığını gördüm. Firkirləşdim ki, yəqin evdəkilərdən kimsə əsəbləşib, qıfılı sındırıb. Həyat yoldaşımı görəndə ondan soruşdum, onun da xəbəri olmadığını görəndə başa düşdüm ki, evə oğru girib." - deyə Lazım Əliyev hadisəni şərh edib.
Evə oğurluq məqsədilə girmiş şəxs və ya şəxslər evdəki əksər əşyaları da dağıdaraq ordan uzaqlaşıblar.
Hadisə ilə bağlı 102 xidmətinə müraciət olunub. Araşdırmalar aparılır.
Bolgexeber.com

Çox Oxunanlar