BolgeXeber.Com » Bölgə » Bərdə Regional Mədəniyyət və Turizm İdarəsi start verdiyi təcrübə mübadiləsini Mingəçevir şəhərində yekunlaşdırdı-FOTO

Bərdə Regional Mədəniyyət və Turizm İdarəsi start verdiyi təcrübə mübadiləsini Mingəçevir şəhərində yekunlaşdırdı-FOTO

1-05-2017, 14:19

Oxunub: 10 271

Bərdə Regional Mədəniyyət və Turizm İdarəsi start verdiyi təcrübə mübadiləsini Mingəçevir şəhərində yekunlaşdırdı

Bolgexeber.com xəbər verir ki,regional İdarə olaraq yaradıldığı ilk günlərdən bəri Bərdə Regional Mədəniyyət və Turizm İdarəsi tabeliyində olan nümayəndəliklərlə sıx şəkildə qarşılıqlı əlaqələr qurur. Belə ki, regionda yerləşən mədəniyyət ocaqlarının fəaliyyətinin, həmçinin turizm potensialının yüksəldilməsi və turizm sənayesinin inkişaf etdirilməsi üçün davamlı olaraq təlimlər, turlar və ekskursiyalar, təcrübə mübadilələri təşkil edilir.

Bərdə rayonundan start götürən təcrübə mübadiləsi son olaraq Mingəçevir şəhərində baş tutdu. İlk olaraq Mingəçevir şəhər Heydər Əliyev Mərkəzi ilə tanışlıqdan başlanan təcrübə mübadiləsi şəhər ərazisində yerləşən bir sıra mədəniyyət ocaqları və əyləncə-istirahət parklarının gəzintisi ilə davam etdi.

Mingəçevir şəhər Heydər Əliyev Mərkəzində başlanan gəzinti zamanı öncə mərkəzin qarşısında yerləşən Ulu öndərin büstü üzərinə gül dəstələri düzüldü. Mərkəzin fəaliyyəti haqqında ətraflı məlumat verilərək iştirakçılar mərkəzlə daha yaxından tanış olmağa dəvət edildi. Burada sərgilənən Ulu öndərlə bağlı sərgilər, şəkillər və video çarxlar böyük maraqla qarşılandı.

Mingəçevir şəhər F.Qasımov adına uşaq incəsənət məktəbi ilə davam edən təcrübə mübadiləsi gözəl anlarla yadda qaldı. Öncə məktəbinin fəaliyyəti ilə tanışlıqdan başlanan görüş sonra incəsənət məktəbinin kollektivi tərəfindən hazırlanmış konsert proqramı ilə davam etdi.

Mingəçevir şəhər Rəsm Qalereyası da təşrif buyurmuş qonaqları təəccübləndirməyi bacardı. Belə ki, burada sərgilənən rəssam, heykəltaraşların əsərlərindən ibarət sərgilər geniş maraqla qarşılandı. Nümayiş olunan rəsm əsərlərinin yerli rəssamlar tərəfindən çəkildiyi və daima qalereyada saxlanıldığı nəzərə çatdırıldı.

Mədəniyyət müəssisələri arasında keçirilən bu təcrübə mübadiləsi bunula bitmədi. Belə ki, tanışlığın davamı olaraq Mingəçevir şəhər tarix muzeyi də öz növbəsində qapılarını qonaqların üzünə açdı. Belə ki, tarixi eksponatlar və fiqurlar zamanla bəşər cəmiyyətinin inkişafını özündə əks etdirirdi. Bütün bunlarla yanaşı muzeydə yerləşdirilmiş monitorda turistlər və şəhərin qonaqları üçün şəhər ərazisinin görməli və gəzməli yerlərini əks etdirən 360 dərəcəli foto qalereyada nümayiş olunurdu.

Daha sonra Mərkəzləşdirilmiş kitabxana sisteminə üz tutan iştirakçılar burada kitabxana sisteminin fəaliyyəti ilə yaxından tanış oldular. Qarşılıqlı fikir müzakirələr aparılaraq bu cür təcrübə mübadilələrinin mədəniyyət sahəsinin inkişafına böyük təkan verəcəyi vurğulandı.

Mədəniyyət müəssisələri ilə tanışlıqdan sonra Kür çayı sahisində yerləşən əyləncə və istirahət parkında gəzinti və sonra isə gəmi səyahəti təşkil olundu.

Son olaraq təcrübə mübadiləsi çay süfrəsi arxasında səmimi söhbətlər və fikir mübadilələri davam etdi . Ümidvarıq ki, bu cür qarşılıqlı təcrübə mübadiləsi Respublika Prezidentinin 29 mart 2016-ci il tarixli “Azərbaycan Respublikası Mədəniyyət və Turizm Nazirliyinin strukturunun təkmilləşdirilməsi haqqında Sərəncamı”na daha da stimul verəcək.

Çox Oxunanlar