BolgeXeber.Com » Mədəniyyət » Ölkələrarası Qazipaşa sənət simpoziumu sərgisində tanınmış azərbaycanlı rəssamlar da iştirak edib-FOTO,VİDEO

Ölkələrarası Qazipaşa sənət simpoziumu sərgisində tanınmış azərbaycanlı rəssamlar da iştirak edib-FOTO,VİDEO

1-05-2017, 08:31

Oxunub: 10 027

Antalyanın Qazipaşa rayonunda bu il təşkil olunan, aprelin 15-dən 23-cən keçirilən Beynəlxalq ilk Beynəlxalq Qazipaşa Sənət Simpoziumunda 13 ölkədən 34 sənətkar iştirak edib

Qazipaşa bələdiyyəsinin ev sahibliyi ilə baş tutan Beynəlxalq Sənət Simfoziumu çərçivəsində rəssamların işlədiyi atelyeni ziyarət edən rayon başçısı Nurullah Qaya, rayon jandarma komandiri mayor Kürşad Çilək, bələdiyyə sədri Adil Çəlik, rayon təhsil müdiri Mustafa Ağdaş fəaliyyətləri haqqında məlumat alıblar.
Ölkələrarası Qazipaşa sənət simpoziumu sərgisində tanınmış azərbaycanlı rəssamlar da iştirak edib-FOTO,VİDEO

Bələdiyyə sədri Çəlik 33 yerli və xarici sənətkarın simpoziuma qatıldığını qeyd edərək bildirdi ki, rəssamlar Qazipaşanın tarixini, təbiətini və mənzərəsini rəsmə töküb bizə hədiyyə edəcəklər.

” Biz də bu çəkdikləri şəkillər ilə Qazipaşa sakinlərini bir araya gətirəcəyik. Sözümüzü yerə salmayıb gəldikləri üçün hər birinə ayrı-ayrılıqda təşəkkür edirəm “, – deyə Adil Çəlik qeyd edib.

“Rayonumuzun gənclərinin onlar üçün nümunə olacaq ustadlarını görmələri və işlərindən ilham almaları bizləri son dərəcə məmnun etdi. Bələdiyyə sədrinin gözlərindəki ümid qığılcımlarına baxarkən bu tədbirin yeni layihələrə səbəb olacağını görürəm.
İnşallah irəlidə təşkil olunacaq vilayət və vilayət mərkəzlərindəki böyük layihələrdə rəsm sənəti ilə əlaqədar sahəni də Qazipaşamıza qazandıracağıq”, – deyə, Qazipaşa rayonunun icra nümayəndəsi Nurullah Qaya çıxış edərək bildirdi.

Bu tədbiri ərsəyə gətirən , doktor , incəsənətə böyük sevgisi olan ,həm də rəssam olan Mələk Günbəy Gülər də bildirdi ki: “Sənət ölkələrin tanıdılmasında, dostluqların və qardaşlıqların təsis olunmasında ən önəmli faktordur.

Aramızda Ukraynadan Özbəkistana, Azərbaycandan Omana, İsraildən Fələstinə qədər bir çox ölkələrdən sənətkarlar vardır. Rəssamların çəkdikləri bu gözəl əsərləri kənd təsərrüfatı sərgisində sərgiləyəcəyik”. Tədbirə qatılan alban sənətkar Azəm Kuçana, Türkiyədə daha öncə də bu cür tədbirlərdə iştirak etdiyini, ancaq Qazipaşaya ilk dəfə gəldiyini söylədi. Türkiyəni çox sevdiyini qeyd edən Kuçana Türkiyədə ikən özünü evində kimi hiss etdiyini qeyd etdi.
Tədbirə xüsusi dəvət ilə Azərbaycandan qatılan tanınmış sumqayıtlı rəssam Namiq Cavad isə Ailetravel.net-ə açıqlamasında dedi ki, bu mötəbər sənət tədbirində Azərbaycanı onunla yanaşı digər azərbaycanlı rəssam təmsil edib.

Bu cür sənət tədbirinə dəvət alıb iştirak edən Namiq Cavad Azərbaycanı təmsil etməsindən qürur duyduğunu qeyd etdi və bildirdi ki, simpozium dövlət səviyysində təşkil olunmasa da Türkiyə tərəfindən çox yüksək səviyyədə təşkil olunmuşdu və həm təşkilatçılar ,həm də simpoziumda iştirak edən rəssamlar tədbirdən çox razı qaldılar:”Bizim bütün otel xərclərimiz ödənilildi,simpoizum boyunca rəssamların turist kimi bölgədə, Antalyaya, Alanyda səyahətini təşkil etdilər , yemək və digər bütün xərclər simpozium təşkilatçıları tərəfindən qarşılandı.

Antalya Gazipaşa'da Uluslararası Sanat Sempozyumu by haberler
Rəssamlara çox böyük diqqət və qayğı göstərildi. Rəsm əsərləri çəkmək, yaradıçılıq üçün hər bir şərait yaradılmışdı. Rəssamlara gözəl münasibətin nəticəsidir ki, onlar 40-dan çox cürəbəcür səpkidə,mövzuda gözəl rəsm əsərləri çəkib Qazipaşa bələdiyyəsinə təqdim etdilər.Onu da qeyd edim ki,mənimlə bərabər Azərbaycanı tanınmış rəssam Elnur Mahmudov təmsil edirdi və hər ikimizə təşkilatçılar tərəfindən simpozumda iştirakla bağlı sertifikat təqdim olundu.

Simpozium yerli sakinlərin də böyük marağına səbəb oldu.Sərgiyə tez-tez məktəblərdən şagirdlər,tələbələr, yerli sakinlər təşrif gətirirdilər.

Təşkilatçıların digər məqsədi də Qazipaşanı sevdirmək , bölgəni turist məkanı kimi tanıtmaq idi ki,düşünürəm onlar da buna nail oldular.Çünki rəssamların hamısı çox güman ki, vətənlərinə qayıtdıqdan sonra ağızdolusu bölgənin gözəlliyindən öz ölkələrində ,yaşadıqları yerdə danışacaq. Simpozim mətbuatın da diqqət mərkəzində oldu, bir çox məşhur Türkiyə telekanalları, o cümlədən TRT,çoxsaylı populyar qəzetlər,saytlar bu sənət tədbirini işıqlandırdı.Mən çox istərdim ki,incəsənətə həsr olunan ,ölkələr,xalqlar arasında əlaqələrin ,mədəniyyətin inkişafına xidmət edən belə gözəl beynəlxalq tədbirlər bizdə də keçirilisin.

Hətta Qazipaşanın rəhbər şəxsləri də məndən soruşurdular ki,niyə siz ölkənizdə,şəhərinizdə belə tədbirlər keçirmirsiz ?Bu Azərbaycanı ,onun mədəniyyətini tanıtmaq, təbliğ etmək mənada,turistləri cəlb etmək baxımdan da çox yaxşı imkanlar açardı.”

P.S.Yaxın yazılarımızda rəssam Namiq Cavadın Qazipaşa,ümumiyyətlə Türkiyə təəsüratı,səyahəti haqda söhbətini oxucularımıza təqdim edəcəyik.

Çox Oxunanlar