BolgeXeber.Com » Xəbərlər » Dövlət büdcəsinin kəsiri 370 milyon manata yaxınlaşır

Dövlət büdcəsinin kəsiri 370 milyon manata yaxınlaşır

17-05-2017, 16:00

Oxunub: 1 629 Dövlət büdcəsinin kəsiri 370 milyon manata yaxınlaşır

2017-ci ilin yanvar-aprel aylarında dövlət büdcəsinin gəlirləri 5 mlrd. 21,9 mln. manat, xərcləri 5 mlrd. 390 mln. manat təşkil edib

"APA-Economics" Maliyyə Nazirliyinin təqdim etdiyi operativ məlumatlara istinadən xəbər verir ki, büdcənin icrasında 368,1 mln. manatlıq və ya ümumi daxili məhsulun 1,8%-i qədər kəsir yaranıb.

Qeyd edək ki, 2017-ci ilin birinci rübündə dövlət büdcəsinə 3 mlrd. 591,7 mln. manat vəsait daxil olub, büdcədən müxtəlif sosial-iqtisadi tədbirlərin maliyyələşdirilməsinə 3 mlrd. 912,7 mln. manat xərclənib. Büdcənin icrasında yaranmış 321 mln. manatlıq kəsir ümumi daxili məhsulun 2,1%-ni təşkil edib.

Daxilolmaların 20,6%-i əlavə dəyər vergisi, 12,4%-i hüquqi şəxslərin mənfəət (gəlir) vergisi, 5,7%-i fiziki şəxslərin gəlir vergisi, 4,1%-i aksizlər, 11,1%-i digər vergilər, 46,1%-i isə vergi olmayan gəlirlər hesabına təmin edilib.

Büdcə vəsaitlərinin 26,1%-i iqtisadiyyatın inkişafı və tənzimlənməsinin, 16,4%-i sosial müdafiə və sosial təminat, 15,7%-i ümumi dövlət xidmətləri, 11,3%-i təhsil və səhiyyə sahələrinin, 30,5%-i isə digər sahələrin maliyyələşdirilməsinə xərclənib.

Çox Oxunanlar