BolgeXeber.Com » İdman » İslamiada: Azərbaycan medal sayını 99-a çatdırıb - CƏDVƏL(VİDEO)

İslamiada: Azərbaycan medal sayını 99-a çatdırıb - CƏDVƏL(VİDEO)

18-05-2017, 10:15
Oxunub: 3 579 İslamiada: Azərbaycan medal sayını 99-a çatdırıb - CƏDVƏL(VİDEO)Bakıda keçirilən IV İslam Həmrəyliyi Oyunlarının altıncı gününə yekun vurulub

Apasport.az saytının məlumatına görə, Azərbaycan millisi günü 18 medalla başa vurub

İdmançılarımız 9 qızıl medala sevinib. 10 metrdən pnevmatik tapançadan atəş açmaqda qarışıq komanda (Ruslan Lunyov, Nigar Nəsirova), həmçinin Samir Nəbiyev (paraatletika, diskatma), Elmir Cəbrayilov (paraatletika, 100 m), Patimat Abakarova (taekvondo, 49 kq), Ayxan Tağızadə (taekvondo, 68 kq), Orxan Nuriyev (yunan-Roma güləşi, 98 kq), Nazim Babayev (atletika, üçtəkanla tullanma), Milad Beiqi Harçeqani (taekvondo, 80 kq) və Radik İsayev (taekvondo, +87 kq) hamıdan güclü olub.

Yığmamız günü 5 gümüş medalla tamamlayıb. Dairəvi stenddəki qarışıq komanda (Emin Cəfərov, Nurlana Cəfərova), həmçinin Rahib Məmmədov (atletika, sədləri dəf etməklə 110 m ), Rafiq Hüseynov (yunan-Roma güləşi, 80 kq), Aleksis Kapello (atletika, üçtəkanla tullanma) və Fəridə Əzizova (taekvondo, 67 kq) İslamiadanı ikinci pillədə başa vurub.

Yarışların 6-cı günü millimizə 4 bürünc gətirib. Üzgüçülük yığması (kompleks üsulla 4x100 m; Yuliya Stisyuk, Fatimə Əlkərimova, İlahə Rciyeva və Alsu Bayramova), Murad Məmmədov (yunan-Roma güləşi, 59 kq), Rəsul Çunayev (yunan-Roma güləşi, 71 kq) və Oloxan Musayev (paraatletika, diskatma) üçüncülüklə kifayətlənib.

Bununla, Azərbaycan yığmasının aktivindəki medal sayı 99-a çatıb. Sabah qazanılacaq ilk mükafat sayca 100-cü olacaq.

Radik İsayevin qazandığı qızıl medal ölkəmizin aktivinə 50-ci çempionluq qazandırıb. Millimiz İslamiadada 29 gümüş və 20 bürünc də qazanıb. Ümumi komanda hesabında yalnız Türkiyədən geri qalan ölkəmiz 2-ci pillədə qərarlaşıb. 3-cü sırada isə İran qərarlaşıb.

Qeyd edək ki, ümumilikdə 166 dəst medal sahibini tapıb. İştirakçı ölkələrdən 20-si çempionluq, 33-ü mükafat sevinci yaşayıb.

Medal sıralaması:

Yer Ölkə Qızıl Gümüş Bürünc Cəmi
1 Türkiyə 54 45 38 137
2 Azərbaycan 50 29 20 99
3 İran 14 17 23 54
4 Özbəkistan 8 12 23 43
5 İndoneziya 6 23 20 49
6 Əlcəzair 6 11 13 30
7 Misir 6 3 6 15
8 Bəhreyn 4 1 3 8
9 İordaniya 3 1 4 8
10 Səudiyyə Ərəbistanı 3 0 6 9
11 Mərakeş 2 2 5 9
12 Qırğızıstan 2 2 4 8
13 İraq
2 2 3 7
14 Türkmənistan 1 3 3 7
15 Kamerun 1 2 2 5
16 Qətər 1 1 4 6
17 Banqladeş 1 1 0 2
18 Tunis 1 0 8 9
19 Seneqal 1 0 1 2
20 Qambiya 1 0 0 1
21-22 Oman 0 2 3 5
Pakistan 0 2 3 5
23 Suriya
0 1 4 5
24-25 Qazaxıstan 0 1 2 3
Birləşmiş Ərəb Əmirliyi 0 1 2 3
26-28 Qayana 0 1 0 1
Nigeriya 0 1 0 1
Uqanda 0 1 0 1
29 Fil Dişi Sahili 0 0 2 2
30-33 Benin 0 0 1 1
Cibuti 0 0 1 1
Livan 0 0 1 1
Surinam 0 0 1 1
Cəmi 167 165 206 538