BolgeXeber.Com » Ölkə » Nazirlik sabiq şöbə müdirini məhkəməyə verdi

Nazirlik sabiq şöbə müdirini məhkəməyə verdi

26-05-2017, 11:21

Oxunub: 2 175 Nazirlik sabiq şöbə müdirini məhkəməyə verdi

Kənd Təsərrüfatı Nazirliyi sabiq şöbə müdiri Sabir Vəliyevi məhkəməyə verib

Buna səbəb S.Vəliyevin “Cümhuriyət” qəzetinin 13-15 may tarixli sayında yayınlanan müsahibəsi olub. Cebhe.info xəbər verir ki, sabiq şöbə müdiri öz müsahibəsində kənd təsərrüfatı naziri Heydər Əsədov, onun müavinləri Seyfəddin Talıbov və İlham Quliyev barəsində bir sıra ittihamlar səsləndirib.

KTN-ə qeyri-peşəkar kadrların rəhbərlik etdiyini deyən S.Vəliyev Heydər Əsədovun və nazirliyin digər rəsmilərinin aqrar sahəyə bələd olmadığını söyləyib. Sabir Vəliyev eyni zamanda nazirlikdə rüşvətxorluq hallarına yol verildiyini də deyib.

Müsahibədə söylənilən fikirləri təhqir və böhtan kimi qiymətləndirən Kənd Təsərrüfatı Nazirliyi Sabir Vəliyevi məhkəməyə verib. İşə Səbail rayon Məhkəməsində baxılacaq.
Cebhe.info

Çox Oxunanlar