BolgeXeber.Com » Mədəniyyət » Kann kinofestivalı: ən yaxşılar seçildi - FOTO

Kann kinofestivalı: ən yaxşılar seçildi - FOTO

29-05-2017, 11:02

Oxunub: 3 837

70-ci Kann beynəlxalq kinofestivalında "Qızıl palma budağı"ndan sonra ikinci ödül sayılan Qran-Pri mükafatına fransız kinorejissor Robin Kampiyonun "120 Battements Par Minute" ("Dəqiqədə 120 zərbə") filmi layiq görülüb

"Ən yaxşı ssenari" nominasiyasında Yorqos Lantimosun "Müqəddəs maralı öldürməli" və Linn Remsini "Sən heç zaman burada olmamısan" filmləri qalib gəliblər.

Kinofestivalın xüsusi mükafatını aktrisa Nikol Kildman alıb.

Ən yaxşı rejissor debütünə görə "Qızıl kamera" nominasiyasında qalib "Gənc qadın" filminə görə Leonor Seray olub.

Builki, 70-ci kinofestivalın münsiflər heyətinə ispan kinorejissor Pedro Almodovar rəhbərlik edirdi. Münsiflər heyətində alman rejissor Maren Ade, amerikalı aktyorlar Cessika Çesteyn və Uill Smit, çinli aktrisa Fan Binbin, fransız aktrisa Anyes Jaui, Cənubi Koreyadan olan rejissor Pak Çhan Uk, italyan rejissor Paolo Sorrentino və fransız bəstəkar Qabriel Yared varlı.

22:37

Fransanın Kann şəhərində keçirilən 70-ci beynəlxalq kinofestival bu günü başa çatır.

Milli.Az European-a istinadən bildirir ki, festivalın baş mükafatı olan "Qızıl palma budağı"na isveçli kinorejissor Ruben Estlundun "The Square" ("Kvadrat") filmi layiq görülüb.

"Ən yaxşı aktrisa" nominasiyasında Diana Krüger, "Ən yaxşı aktyor" nominasiyasında isə Xoakin Feniks qalib sayılıb. Sofiya Koppola isə "The Beguiled" filminə görə "Ən yaxşı rejissor"mükafatını alıb.

Rusiyalı kinorejissor Andrey Zvagintsevin "Loveless" filmi münsiflər heyətinin xüsusi mükafatına layiq görülüb.

Çox Oxunanlar