BolgeXeber.Com » Dünya » Moskvada 13 nəfəri öldürən 100 ilin ən güclü qasırğası – FOTOLAR+VİDEO

Moskvada 13 nəfəri öldürən 100 ilin ən güclü qasırğası – FOTOLAR+VİDEO

30-05-2017, 10:48

Oxunub: 5 274

Ötən gün Rusiyanın paytaxtı Moskvada baş verən dəhşətli qasırğa nəticəsində ölənlərin sayı artıb

İstiPress-in Rusiya mətbuatına istinadla verdiyi məluumata görə, 13 nəfər güclü küləyin yaratdığı qasırğanın qurbanı olub. Onlar 20-65 yaş aralığındadır. Ümumilikdə 170-ə yaxın insan xəsarət alıb.
Onlardan 108-i, o cümlədən 22 uşaq hələ də xəstəxanlardadır. Yaralılardan bir neçə nəfərin vəziyyəti ağır olduğu üçün reanimasiyaya yerləşdirilib.
Güclü küləyin sürəti saniyədə 25 metrə çatıb, külək yağışla müşayiət edilib. Moskva və ətrafında ağaclar kökündən çıxaraq aşıb, evlərin dam örtükləri uçub, yol nişanları, svetaforlar aşıb, yüzlərlə maşına ziyan dəyib.
Moskva meri Sergey Sobyanin ancaq paytaxtda 3,5 min ağacın aşdığını bildirib. O, həmçinin ölənlərin ailələrinə maddi yardım ediləcəyini də açıqlayıb.
Məlumata görə, bu son 100 ildə müşahidə edilən ən güclü qasırğa olub. Qasırğanaın video və foto görüntüləri sosial şəbəkə istifadəçiləri tərəfindən internetdə yayılıb.

Çox Oxunanlar