BolgeXeber.Com » İqtisadiyyat » Qətərdə dollar böhranı yaranmağa başlayıb

Qətərdə dollar böhranı yaranmağa başlayıb

15-06-2017, 17:54

Oxunub: 3 211 Qətərdə dollar böhranı yaranmağa başlayıb

Qətərin maliyyə sistemində dollar qıtlığı yaranıb

"Report" "Bloomberg" agentliyinə istinadən xəbər verir ki, artıq bir neçə Qətər bankı dollar əmanətləri üzrə faiz dərəcələrini yüksəldib

Qeyd edək ki, Qətər bir müddət əvvəl siyasi səbəblərdən başda Səudiyyə Ərəbistanı olmaqla bir sıra ərəb ölkələrinin embarqosuna məruz qalıb. Əgər banklararası kredit bazarında 5 iyuna qədər kredit faizlərinin dərəcəsi LİBOR+0,2% idisə, hazırda premiya 1%-dək yüksəlib.

İnvestorlar Qətər aktivlərini sataraq milli valyuta - riala qarşı spekulyativ mövqe alıblar. Qeyd edək ki, rialın 12 aylıq forvard kontraktları iyunun 11-i ilə müqayisədə 588 baza bəndi artıb. Bu, 2001-ci ildən etibarən ən yüksək hədd sayılır.

Xatırladaq ki, hazırda QAR/USD məzənnəsi son 15 ilin ən yüksək göstəricisinə çataraq 3,6650 səviyyəsində qərarlaşıb.

Çox Oxunanlar