Füzuli RİHB Alı Alıyev Bakı şəhərində məskunlaşan rayon sakinləri ilə görüşüb
26-09-2017, 10:26
Oxunub: 2 098
Prezident cənab İlham Əliyevin əhalinin problemlərinin yerində öyrənilməsi, həll edilməsi, vətəndaş-məmur münasibətlərində şəffaflığın təmin edilməsi barədə tapşırıqları Füzuli rayonunda daim diqqət mərkəzində saxlanılır
Bolgexeber.com xəbər verir ki,ölkə başçısının “Mən hər bir Azərbaycan vətəndaşının prezidentiyəm”, “Xalqla dövlət məmuru hər zaman bir yerdə olmalıdır” sözlərinə uyğun olaraq Füzuli rayon İcra Hakimiyyətinin başçısı Alı Alıyev mütəmadi olaraq vətəndaşlarla görüşür, onların problemləri, təklif və qayğıları ilə maraqlanır.
Rayon İcra Hakimiyyətinin başçısı Alı Alıyev həftə sonu Bakı şəhərində məşkunlaşmış füzulili məcburi köçkünlərlə görüşüb, söhbət edib, onların problem və qayğılarını dinləyib. Alı Alıyev ölkə başçısı cənab İlham Əliyevin tapşırığı ilə mütamadi olaraq rayon ərazisində və rayondan kənarda məskunlaşan məcburi köçkünlərlə görüşlər keçirildiyini bildirib. Qeyd edib ki, vətəndaşlarla yerlərdə keçirilən görüşlərdə əsas məqsəd qaldırılmış problemlərin yaranma səbəblərini, bu sahədə nəzərəçarpan nöqsanların dərhal aradan qaldırılması, aşkarlığın və obyektivliyin, ən başlıcası isə insana qayğının təmin edilməsidir.
Görüşdə Füzuli rayonundan olan məcburi köçkünlərin müraciət və təklifləri dinlənilib. Bakı şəhərində məskunlaşan rayon sakinlərinin məcburi köçkünlər və onlara bərabər tutulan şəxslər üçün yeməkxərci müavinəti, habelə kommunal və digər xidmətlər üzrə dövlət büdcəsindən ödənişlər əvəzinə verilən vahid aylıq müavinətin verilməsi ilə bağlı müraciətləri yerində araşdırılıb. Məcburi köçkünlərə dövlət tərəfindən verilən vahid aylıq müavinətin verilməsində və bununla bağlı vətəndaşların müraciətlərinə laqeyd münasibət bəsləməsinə görə rayon İcra Hakimiyyəti başçısının Füzuli şəhər inzibati ərazi dairəsi üzrə nümayəndəliyində müavin vəzifəsində işləyən Hüseynova Ziyafət Çərkəz qızı vəzifəsindən azad edilərək aşağı vəzifəyə keçirilib.
Alı Alıyev aidiyyəti xidmət təşkilatlarına, icra nümayəndələrinə vətəndaşların müraciətlərinə diqqətlə yanaşmağı, onların ərizə və şikayətlərinə qanunamüvafiq qaydada baxılması ilə bağlı tapşırıq və tövsiyyələrini verib.
Görüşdə məcburi köçkünlər tərəfindən qaldırılan məslələrdən həlli mümkün olanları yerindəcə həll edilib, digər qaldırılmış məsələlər həll edilməsi üçün nəzarətə götürülərək aiddiyati üzrə göndərilmişdir.
Füzulili məcburi köçkünlər müraciətlərinin həmişə diqqət mərkəzində saxlanıldığı bildiriblər, ən böyük arzularının isə işğal altında olan torpaqlarımızın düşmən tapdağından azad olunması olduğunu qeyd ediblər.
Məcburi köçkünlər göstərilən diqqət və qayğıya görə Prezident cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə