Qəzada adam yaralayan sürücü həbs olunmayacaq – Yeni qayda
28-10-2017, 16:36
Oxunub: 2 043
Avtomobil yollarında baş vermiş qəzalara səbəb olan bəzi sürücülərin cəzası yüngülləşəcək
Əvvəlki qaydalara görə, yol hadisəsi zamanı xəsarət almış piyada və ya sərnişinə görə azadlıqdan məhrum edilməli olan sürücülər artıq həbs edilməyəcək. Qəza zamanı xəsarət alan şəxslə sürücü arasında barışıq olarsa və sürücü zərərçəkənə dəymiş bütün zərəri ödəyərsə, cinayət məsuliyyətinə cəlb edilməyəcək. Yeni qaydalar Milli Məclis tərəfindən qəbul edilib.
Axar.az xəbər verir ki, bu barədə danışan yol hərəkəti üzrə ekspert, hüquqşünas Ərşad Hüseynovun fikrincə, dəyişilik bəzi sürücülərə imtiyaz verəcək. Bu da birmənalı qarşılanmaya bilər:
“Cinayət xarakterli yol-nəqliyyat hadisəsi törədib zərərçəkmiş şəxsin sağlamlığına ağır və ya az ağır zərər vuran sürücü, əgər zərərçəkmişə vurduğu bütün ziyanları ödəyər və onunla barışıq əldə edərsə, tamamilə cinayət məsuiyyətindən azad ediləcək.
Bundan əvvəl az ağır xəsarətin 2 il cəzası var idi, ağır xəsarətə görə isə sürücü 3 ilə qədər azadlıqdan məhrum edilirdi. Bu qayda yenə də qüvvədədir. Hadisəni törətmiş sürücü ilə zərərçəkən arasında barışıq olmasa və sürücü xərclri ödəməsə, o, həbs ediləcək”.
Ərşad Hüseynov bildirib ki, azadlığın məhdudlaşdırılması qəzalardan sonra hadisə yerindən qaçan və məsuliyyətdən yayınmağa cəhd edən sürücülərə də şamil edilə bilər:
“Yol-nəqliyyat hadisəsi törətmiş şəxsin maddi vəziyyətindən asılı olaraq bir üstünlüyü yaranır. Əgər qəzanı törədən şəxs kifayət qədər maddi imkanlı olan biridirsə, o, asanlıqla yeni qanunun yaratdığı humanist meyardan yararlana biləcək.
Zərərçəkənə dəymiş zərəri ödəyə bilməyən sürücülər isə əvvəlki qaydada xəsarətin dərəcəsindən asılı olaraq azadlıqdan məhrum ediləcəklər. Qəzadan sonra ölüm faktı qeydə alınarsa, istənilən halda azadlıqdan məhrumetmə cəzası olduğu kimi qalacaq”.
Ekspertin sözlərinə görə, bu düzəliş imkan verəcək ki, qəza törədib öz doğmasını şikəst etmiş sürücü cinayət məsuliyyətinə cəlb edilməsin.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə