Rəcəb Tayyib Ərdoğan Azərbaycana yola düşüb
30-10-2017, 13:17
Oxunub: 2 419
Türkiyə prezidentinin Azərbaycana səfəri iki gün davam edəcək
Türkiyə Prezidenti Rəcəb Tayyib Ərdoğan Ankaradan Azərbaycana yola düşüb.
“Report” "Anadolu" agentliyinə istinadən xəbər verir ki, onu Esenboğa hava limanından Bakıya Türkiyə Böyük Millət Məclisinin sədri İsmail Kahraman, Ankara valisi Ercan Topaca, Ankaranın polis rəisi Servet Yılmaz və başqa rəsmilər yol salıb.
R.T.Ərdoğanı səfərdə həyat yoldaşı Əmine Ərdoğan, iqtisadiyyat naziri Nihat Zeybekci, enerji və təbii ehtiyatlar naziri Berat Albayrak, təhsil naziri İsmet Yılmaz, müdafiə naziri Nurettin Canikli və nəqliyyat, dənizçilik və rabitə naziri Ahmet Arslan müşaiyət edir.
Türkiyə prezidentinin Azərbaycana səfəri iki gün davam edəcək.
Qeyd edək ki, R.T.Ərdoğan bu gün Azərbaycan Prezidenti İlham Əliyev, Qazaxıstanın dövlət başçısı Nursultan Nazarbayev və Gürcüstanın Baş naziri Georgi Kvirkaşvili ilə birlikdə Bakı-Tbilisi-Qars dəmir yolu xəttinin ilk səfərinin açılış mərasiminə qatılacaq.
Oktyabrın 31-də isə Azərbaycan və Türkiyə nümayəndə heyətləri arasında ikitərəfli görüş keçiriləcək. Görüşlərdə Dağlıq Qarabağ münaqişəsi başda olmaqla bölgədə və beynəlxalq aləmdə baş verən hadisələr müzakirə ediləcək. Eyni zamanda iki ölkə arasında müxtəlif sahələri əhatə edən əməkdaşlığa dair sənədlər imzalanacaq.
Bundan başqa, Bakıda Azərbaycan-Türkiyə Yüksək Səviyyəli Strateji Əməkdaşlıq Şurasının 6-cı toplantısı keçiriləcək. Azərbaycan və Türkiyə prezidentləri iclasda iştirak edəcəklər.
R.T.Ərdoğanın Bakıya səfəri Türkiyə ilə Azərbaycan arasında diplomatik əlaqələrin qurulmasının 25-ci ildönümünə təsadüf edir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər