BolgeXeber.Com » Bölgə » 67 yaşlı qadın qonşusu tərəfindən döyüldü - KREDİT ÜSTÜDƏ

67 yaşlı qadın qonşusu tərəfindən döyüldü - KREDİT ÜSTÜDƏ

31-10-2017, 12:00

Oxunub: 3 615 67 yaşlı qadın qonşusu tərəfindən döyüldü - KREDİT ÜSTÜDƏ

Tovuzda qadın kredit üstə döyülüb

Bolgexeber.com trend-ə istinadən xəbər verir ki, hadisə rayonun Alakol kəndində baş verib. Kənd sakini, 1950-ci il təvəllüdlü Hüseynova Qüdrət Annağı qızı qapalı kəllə beyin travması ilə komatoz vəziyyətdə xəstəxanaya çatdırılıb.
Araşdırmalar zamanı məlum olub ki, Q.Hüseynova qonşusu tərəfindən döyülüb. Q.Hüseynovanın qonşusu bankların birindən kredit götürüb. Qonşunun xahişi ilə Q.Hüseynova ona zamin dayanıb. Bir müddətdən sonra qonşu banka olan borcunu ödəməyib və nəticədə bank zaminin maaş kartından həmin məbləği tutub. Q.Hüseynova buna etiraz edib və qonşusundan həmin məbləği istəyib. Kredit götürən şəxslə Q.Hüseynova arasında mübahisə yaranıb və qonşusu qadını xüsusi amansızlıqla döyüb. Nəticədə qadın zərbələrdən qapalı kəllə beyin travması alıb və komaya düşüb.
Hazırda xəstəxanada olan qadının vəziyyəti ağır qiymətləndirilir.
Faktla bağlı Tovuz rayon Prokurorluğunda araşdırma aparılır.

Çox Oxunanlar