"Qarabağ" bu gün Bakıda İngiltərə çempionu "Çelsi"ni qəbul edəcək
22-11-2017, 10:14
Oxunub: 1 674
Bu gün “Qarabağ” komandası tarixində ilk dəfə vəsiqə qazandığı Çempionlar Liqasının qrup mərhələsində sonuncu ev oyununa çıxacaq
“Report”un məlumatına görə, Ağdam təmsilçisi İngiltərə çempionu “Çelsi”ni qəbul edəcək.
Bakı Olimpiya Stadionunda üz-üzə gələcək kollektivlər qitənin ən nüfuzlu klub turnirində fərqli qrafik cızmaqdadırlar
Cari mövsümə evdə “Qarabağ” üzərində 6:0 hesablı qələbə ilə başlayan London təmsilçisi, daha sonra İspaniyada “Atletiko”nu üstələyib. Lakin “zadəganlar”ın İtaliya “Roma”sı ilə işləri düz gətirməyib. İngilislər baş məşqçiləri Antonio Kontenin həmyerliləri ilə duellərdən 1 xalla ayrılıblar. Evdə “canavarlar”la 3:3-lük heç-heçə edən “Çelsi”, rəqib meydanında 3 cavabsız qolla yenilib.
“Qarabağ” isə “Çelsi”nin ardından evdə “Roma”ya 1:2 hesabı ilə məğlub olandan sonra meydanı xalsız tərk etməyib. Qurban Qurbanovun rəhbərlik etdiyi kollektiv “Atletiko”ya qənim kəsilib – 0:0 və 1:1.
“Qarabağ” 1/8 finala yüksəlmək şansını saxlamaq üçün mütləq qalib gəlməlidir. Əldə olunacaq 3 xal 3-cü yeri tutaraq, Avropa Liqasına düşmək baxımından da önəmlidir. Ağdam klubu heç-heçə sayəsində də qitənin ikinci dərəcəli turnirinə yollamaq ümidini qoruya bilər. Lakin bunun üçün V turda “Roma”nın səfərdə “Atletiko”ya qalib gəlməsi, ən pis halda heç-heçə etməsi şərtdir.
“Qarabağ” “Çelsi”yə uduzsa və “Atletiko” “Roma”nı üstələsə, Azərbaycan çempionunun qrup sonuncusu olması rəsmiləşəcək.
Çempionlar Liqası
V tur, C qrupu
22 noyabr
21:00. “Qarabağ” (Azərbaycan) - “Çelsi” (İngiltərə)
Baş hakim: Manuel De Souza
Baş hakimin köməkçiləri: Alvaro Mesquita, Rikardo Santos
Dördüncü hakim: Nuno Pereyra
Əlavə hakim köməkçiləri: Fabio Verissimo, Luis Migel Branko Qodinyo (hamısı Portuqaliya)
Bakı Olimpiya Stadionu
Bolgexeber.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər