BolgeXeber.Com » Xəbərlər » Fədayə Laçın danışdı: "Aldadılmışam, əziyyət çəkirəm"

Fədayə Laçın danışdı: "Aldadılmışam, əziyyət çəkirəm"

21-12-2017, 15:33
Oxunub: 1 883 Fədayə Laçın danışdı: "Aldadılmışam, əziyyət çəkirəm"Müğənni Fədayə Laçının şikayəti təmin edilməyib.

Musavat.com xəbər verir ki, ev dustaqlığına buraxılması ilə bağlı Nəsimi Rayon Məhkəməsinə mürsciət edən və "yox" cavabı alan F.Laçın bu qərardan Apellyasiya Məhkəmsinə müraciət edib.

Bu gün keçirilən prosesdə qərar elan olunub.

Qərara əsasən, F.Laçının apellyasiya şikayəti təmin edilməyib, birinci instansiya məhkəməsinin çıxardığı qərar dəyişdirilmədən saxlanılıb.

F.Laçın məhbusların qaçmasına kömək göstərməkdə təqsirləndirilir.

Qeyd edək ki, bu il oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanan cinayət işi üzrə Fədayə Məmmədova (Fədayə Laçın) təqsirləndirilən şəxs qismində cəlb olunaraq Nəsimi rayon məhkəməsinin qərarı ilə barəsində həbs qətimkan tədbiri seçilib.

Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.

Nəsimi Rayon Məhkəməsinin qərarı ilə Fədayə Laçın barəsində üç ay müddətinə həbs qətimkan tədbiri seçilib.

O, Cinayət Məcəlləsinin 304.2.1 (qabaqcadan əlbir olan bir qrup şəxs tərəfindən azadlıqdan məhrum etmə və ya həbs yerindən, yaxud mühafizə altından qaçma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə ittiham edilir.

Xatırladaq ki, Bakı-Astara-Bakı planlı dəmir yolu qarovulu ilə Bakı şəhərinə müşayiət zamanı xüsusi vaqondan dustaqlar Əli Ağami və Etibar Məmmədov qaçmışdı. E.Məmmədov saxlanılan zaman atışmada ölüb. Əli Ağami isə saxlanılıb.

Öldürülən E.Məmmədovla sevgili olan F.Laçın ittihamları qəbul etmir.

Fədayə Laçın məhkəmədə aldadıldığını deyib: "Aldadılmışam, əziyyət çəkirəm"

Bu barədə onun vəkili Türkel Süleymanlı jurnalistlərə məlumat verib. Vəkil bildirib ki, F.Laçın məhkəmədə səhhətində problem olduğunu deyib. Fədayə Laçın fiziki cəhətdən əziyyət çəkdiyini söyləyib.