loading...
XƏBƏR LENTİ
Manatın MƏZƏNNƏSİ
13 dekabr 09:55
ƏN ÇOX OXUNULANLAR

SORĞU
 

Saytımızın yeni görünüşü

Əla!
Yaxşı
Normal
Fərq görmürəm
Çox pis!

 
 

Şamaxıda torpaq sürüşməsi aktivləşib, evlərdə iri çatlar əmələ gəlib

Şamaxıda torpaq sürüşməsi aktivləşib, evlərdə iri çatlar əmələ gəlibSon bir ayda Şamaxıya yağan qar və yağışdan sonra aktivləşən torpaq sürüşməsi nəticəsində rayonun Quşçu kəndindəki evlərdə çatlar əmələ gəlib

APA-nın yerli bürosunun xəbərinə görə, kənddə torpaq sürüşməsi hər gün davam edir və dağdan axıb gələn torpaq kütləsi evlərə doğru hərəkət edir.

Bu günlərdə 8 hektar torpaq sahəsi sürüşməyə məruz qalıb, böyük yarğanlar və çökmələr əmələ gəlib, yeraltı qrunt suları üzə çıxıb. Sürüşmə qısa vaxtda pay torpaqlarındakı əkin sahələri ilə yanaşı həyətyanı əraziləri və tikililəri əhatə edib. Sürüşmə sahəsinin eni 1500 metr, uzunluğu 180 metrdir. Yarğanların dərinliyi 2 metrə çatır.

Sürüşmə zamanı həyətyanı sahələrin hasarları, meyvə ağacları, əkin sahələri torpağın altında qalıb, evlərə və yardımçı tikililərə ziyan dəyib. Son günlər Quşçu kəndində 10 evin divarında iri çatlar əmələ gəlib. Həmçinin 300 evi içməli su ilə təmin edən bulağın torpaq altında qalma təhlükəsi yaranıb. Bulağa aparan avtomobil yolu torpaq sürüşməsi nəticəsində bağlanıb.

Ekologiya və Təbii Sərvətlər Nazirliyinin, Şamaxı rayon İcra Hakimiyyətinin nümayəndələri sürüşmə zonasına baxış keçiriblər, sakinlərlə görüşüblər. Mütəxəssislər sürüşmə sahəsində monitorinq aparıblar.

Şamaxı rayon İcra Hakimiyyətindən APA-nın yerli bürosuna bildiriblər ki, indiyədək rayon mərkəzində, eləcə də 7 kənddə baş verən torpaq sürüşməsi zamanı 400-dən çox evə ziyan dəyib.

Qeyd edək ki, torpaq sürüşməsi Şamaxı şəhərində, eləcə də rayonun Çabanı, Mədrəsə, Meysəri, Birinci Çaylı, Muğanlı, Acıdərə və Qaleybuğurd kəndlərdə daha çox müşahidə olunur.
Bölmə: Bölgə | 22 yanvar 2018 19:37 | Baxış sayı: 338





ŞƏRH YAZ
Adınız:       E-mail ünvanınız:

Qalın Maili Alt cizgi Üst cizgi | Solda Mərkəzdə Sağda | Gülməcə əlavə et Keçid linki əlavə etQorunmuş keçid linki əlavə et Выбор цвета | Gizli mətn Sitat gətir Seçilmiş yazıları kiril əlifbasına çevir Вставка спойлера
Rəsimdə gördüyünüz kodu daxil edin: