Deputatın binasında sakinlər narazıdır - Müraciət
1-02-2018, 14:46
Oxunub: 3 869
Xırdalanda yerləşən “Kristal Abşeron” kompleksinin sakinlərinin narazılığı davam edir
Eyniadlı MTK-nın rəhbərliyinin özbaşınalığından bezən sakinlər çıxış yolunu ölkə başçısı İlham Əliyevə müraciətdə görüblər.
Bir qrup sakinin redaksiyamıza göndərdiyi etiraz məktubunu olduğu kimi təqdim edirik:
“Yaşadığımız Xırdalan ş., Heydər Əliyev pr. 30 ünvanında yerləşən “Kristal Abşeron” kompleksində eyniadlı MTK sakinlərin hüquqlarını və müqavilə şərtlərini ciddi şəkildə pozaraq, bir il ərzində isti su və istiliyin qiymətini kəskin artıraraq (isti suyun 1 kub.m. 2.30 AZN-dən 3.50 AZN-ə, istiliyin 1 kv.m. 40 qəpikdən 80 qəpiyə) sakinləri çətin vəziyyətə salıb. Bir neçə aydır ki, “Kristal Abşeron” MTK rəhbərliyi qazanxanaları “Azəristiliktəchizat”a təhvil verməklə bu problemi həll edəcəyini söyləsə də sakinləri aldatmış oldu. Üstəlik sakinlərin haqlarının və müqavilə şərtlərinin pozulması barədə Sizə, Mehriban xanıma, məhkəməyə, prokurorluğa müraciət olunacağını söylədikdə belə, bundan da çəkinmədilər. Hətta gələn ildən qazanxanaların söküləcəyini söyləyərək, onlardan öz satdıqları kombiləri almağı tövsiyə etdilər ki, bu da şirkətin sakinlər qarşısında rəsmi olaraq götürdüyü öhdəlikdən yayınması deməkdir.
Sizdən xahişimiz budur ki, sakinlərin vəsaiti hesabına tikilmiş qazanxanaların “Azəristiliktəchizat”ın balansına keçməsinə kömək edərək, sakinlərin istiliklə bağlı qayğısının birdəfəlik həll olunmasına yardımçı olasınız. Biz anlayırıq ki, qiymətlərin endirilməsi şirkəti çətin vəziyyətə sala bilər, ona görə də düşünürük ki, ən optimal yol MTK-nın istilik təchizatına dövlətin dəstəyidir. İnanırıq ki, bizim durumumuzu anlayaraq, Kristal Abşeron sakinlərinə məxsus qazanxanaların “Azəristiliktəchizat”ın balansına keçməsinə göstəriş verməklə öz xeyirxah işiniz, qətiyyətiniz və dəstəyinizlə 5000-ə yaxın sakini sevindirəcəksiniz”.
Qeyd edək ki, “Kristal Abşeron” MTK-nın rəhbəri millət vəkili Ağalar Vəliyevdir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər