BolgeXeber.Com » Dünya » Moskvada “Quli”yə qarşı müharibə hazırlığı: - “Beyləqanski” dəstə yığır
Moskvada “Quli”yə qarşı müharibə hazırlığı: - “Beyləqanski” dəstə yığır
19-04-2018, 12:15
Oxunub: 6 426
Kriminal aləmdə Hacı Beyləqanski kimi tanınan “qanuni oğru” Hacıbaba Talıbxanlı Moskvaya köçüb.
Lent.az-ın Rusiya mətbuatına istinadən məlumatına görə, 2016-cı ildə İstanbulda öldürülən Rövşən Lənkəranskinin ən yaxın silahdaşı hesab edilən Hacı Beyləqanski uzun müddətdir İstanbulda istintaq altında idi. 2013-cü ildə “Qoca” ləqəbli “qanuni oğru” Əlibaba Həmidovun qətlində, daha sonra “Lotu Quli”yə sui-qəsd cəhdində məhz onun adı hallanırdı.
Lakin hər iki iş üzrə Hacı bəraət qazana bilmişdi. Bundan sonra o, İstanbuldan Rusiyanın paytaxtına gəlib.
“Beyləqanski”nin Moskvaya gəlişinin ən böyük səbəbinin “Lotu Quli”yə qarşı müharibəyə hazırlıqla bağlı olduğu güman edilir.
Bunun üçün Hacıya Rövşən Lənkəranskinin yaxın qohumu, kriminal aləmdə “Dayıoğlu Zaur” kimi tanınan Zaur Əhmədov hər cür maliyyə dəstəyi verir. Ona yaşayış üçün dəbdəbəli “Penthouse” ayrılıb. Hacını Moskvada iki zirehli avtomobil gəzdirir və çoxsaylı mühafizəçilər qoruyur.
Hacı Beyləqanskinin yanında hazırda “Lotu Quli” ilə düşmən olan Rafiq Masallinski və Ceyhun Gəncinski də var. Hətta hazırda həbsxanada olan “Albert Rijiy” kimi tanınan Əli Heydərov da Hacıbaba Talıbxanlıya dəstək verir.
Gözlənilən odur ki, yaxın zamanda “Lotu Quli”yə qarşı müxalifətdə olan bütün kriminallar bu dəstəyə qoşulacaq.
Qeyd edək ki, Hacı Beylaqanski 1982-ci il martın 29-da Beyləqan rayonun Talıbxanalı kəndində anadan olub. 2000-ci illərin əvvəllərində Moskvaya gedib və ilk cinayətini də Rusiya paytaxtında törədib. Elə Moskvada Rövşən Lənkəranskiylə tanış olub. Rövşən Moskvanı tərk edib Birləşmiş Ərəb Əmirliklərinə köçəndən sonra o da bu ölkəyə gedib. Bir müddət Dubayda yaşayıb. 2012-ci il dekabrın 10-da Dubayda “qanuni oğru” adını alıb və bundan sonra Hacı Beyləqanski kimi tanınıb.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər