BolgeXeber.Com » İqtisadiyyat » “Dövlət müəssisələrinin fəaliyyətində şəffaflıq və səmərəliliyin təşviqi” mövzusunda Konfrans keçiriləcək

“Dövlət müəssisələrinin fəaliyyətində şəffaflıq və səmərəliliyin təşviqi” mövzusunda Konfrans keçiriləcək

11-06-2018, 12:53
Oxunub: 3 087  “Dövlət müəssisələrinin fəaliyyətində şəffaflıq və səmərəliliyin təşviqi” mövzusunda Konfrans keçiriləcəkKütləvi informasiya vasitələrinin nəzərinə: “Dövlət müəssisələrinin fəaliyyətində şəffaflıq və səmərəliliyin təşviqi” mövzusunda Konfrans keçiriləcək

Bolgexeber.com xəbər verir ki,Əmlak Məsələləri Dövlət Komitəsi və Dünya Bankının birgə təşkilatçılığı ilə 12 iyun tarixində, saat 08:45-də, Marriott Hotelinin “Şərq” zalında “Dövlət müəssisələrinin fəaliyyətində şəffaflıq və səmərəliliyin təşviqi” mövzusunda Konfrans keçiriləcəkdir. Konfransda Əmlak Məsələləri Dövlət Komitəsinin rəhbərliyi, Dünya Bankının Azərbaycan üzrə Ölkə Meneceri Navid Həsən Naqvi, İqtisadi İslahatların Təhlili və Kommunikasiya Mərkəzinin rəhbərliyi, İqtisadiyyat nazirliyinin, Maliyyə nazirliyinin əməkdaşları, müstəqil iqtisadçı ekspertlər və ictimai təşkilatların nümayəndələri iştirak edəcəklər.

Konfrans çərçivəsində dövlət müəssisələrinin fəaliyyətinin əsas göstəricilərinin təhlili üçün maliyyə monitorinqi alətləri və sistemi təqdim edilərək, Hökumət, onun qurumları və dövlət müəssisələri arasında daha uğurlu idarəetmə üzrə məlumat axınının inzibatçılığını təkmilləşdirmək və Azərbaycanda dövlət müəssisələrinə dair islahatların aparılmasının davam etdirilməsi barədə qərarların qəbul edilməsi sahəsində müzakirələr təşkil ediləcəkdir.